18th October | 2018 | Thursday | 12:52:15 PM

राम्रो आम्दानी भएपछि विदेशबाट फर्केका युवा कृषिमा रमाए

सलिम अन्सारी   POSTED ON : Thursday, 04 October, 2018 (8:38:51 PM)

राम्रो आम्दानी भएपछि विदेशबाट फर्केका युवा कृषिमा रमाए

 प्युठान, । ५ बर्ष अघि खांडिबाट फर्कदा ३९ बर्षीया नेक बहादुर बिक बिदेशको कामबाट थकित थिए । धेरै पैसा कमाउने र राम्रो घर बनाएर परिवारलाई सुख शीत पाल्ने रहर बोकेर कतार पुगेका नेक बहादुर घर फर्कदा उनमा फेरि बिदेश जाने र पैसा कमाउने रहर मरिसकेको थियो । ‘महिनाको २० हजार रुपैयाँ तलब लिनका लागि दैनिक १०–११ घण्टा असारको गोरुझैं जोतिनु पर्र्याे,’ उनले स्मरण गर्दै हिमालय टाईम्ससँग भने । सरुमारानी–३ हंसपुर स्थित राटामाटाका नेक बहादुर बिक अहिले बिदेशको सवै हण्डर भुलेर आफ्नै व्यावसायमा रमाएका छन् । उनले आठ लाख रुपैयाँ लगानी गरेर गाउँमै जेएनटि बाख्रा तथा कुखुरा फार्म दर्ता गरि खोलेका हुन् । 

बिदेश जानुभन्दा आफ्नै गाउँ ठाउँमा केही गर्ने उद्देश्य र कृषि तथा पशुपालनबाट जिबिकोपार्जन गर्न सकिने संभावना देखेर ब्यवसायिक रुपमै कृषिमा लागेको उनले बताए । उनले सबै रकम बैंकबाट ऋृण काढेर ब्यवसायिक बाख्रा तथा कुखुरा पालनमा लगानी गरेको सुनाए । उनको खोरमा अहिले ७५ वटा खरी जातका बाख्रा छन् । ती सबै उन्नत जातको बोकासंग क्रस गरिएको हो । नेक बहादुरले ३ लाख ५० हजारको लगानिमा आधुनिक खोर बनाएका छन् । व्यबस्थित खोर भएकाले खोरमै दानापानी र घाँस खुवाउने प्रवन्ध मिलाईएको छ । वाख्रा र खसी बिक्रीका लागि उनलाई वजारको समस्या छैन खोरमै खसी बोका किन्न ग्राहक आउछन । एउटा बाख्राको पाठो बेचे महिना भरी खान पुग्ने उनी बताउँछन । गत बर्ष १ लाख ५० हजारको खसी बेचेको उनले सुनाए । ’अब बिदेश जानू छैन, उनले भने, ’ आफ्नै देशमा दुख गरे मनग्ये कमाईदोँरहेछ ।’ नेक बहादुरले बाख्रापालनका साथै तरकारी खेती र लोकल कुखुरापालन गरेका छन् । बाख्रालाई घासमा आधारित बनाउन करिव १४ रोपनि जमिनमा घाँस खेती गरेका छन ।’ बाख्रालाई चरण पर्याप्त चाहिदो रहेछ’, उनले भने । स्थानीय कुखुरालाई संरक्षण गर्ने उद्धेश्यका साथ १ सय ५० कुखुरा समेत उनले पालेका छन् । कुखुरा जति सबै गाउँघरमै बिक्री हुन्छ । प्रतिकिलो ५ सयमा कुखुरा बिक्री हुने उनले बताए । बेच्न तयार कुखुरा बनाउन कम्तिमा ५ महिना समय लाग्ने उनको अनुभव छ । उनी बाख्रा र कुखुरावाट निस्किएको मल आफ्नै खेतबारीमा प्रयोग गरेर तरकारी खेती समेत गरिरहेका छन ।

२ वर्ष कतारमा बस्दा निकै दुःख पाए उनले । घर जग्गा धितो राख्दै होस् या चर्को व्याजमा ऋण काढेर होस्, धन कमाउने सपना बोकेर विदेश पुगेका नेपालीका सुख दुःख पनि देखे उनले विदेशबाट फिर्दा हातमा थोरै पैसा थियो । बैंकबाट ऋृण काढेर गरेको व्याबसायिक कृषिबाट प्रती महिना २५ देखि ३० हजार सम्म कमाउछन । कृषि फार्मको ४ बर्षे अन्तरालमा उनले ठूलो सफल्ता हात पारेका छन् । यसैको कमाईबाट गाउमै १५ लाखको खेतवारि जोडेको नेक बहादुर बताउँछन् । ‘स्वदेशमै केही गर्न सक्छु भन्ने लाग्यो,कृषि पेशामा लागेँ यसैको कमाईले जिवनस्तर पनि उठ्यो।’ उनी भन्छन ।’ लगानि भए ब्याबसाय गर्न कुनै समस्या छैन ।’ गोठ सरसफाइ देखि कुखुरा बाख्रालाई घाँस, दाना र पानी खुवाउने काममा आफुलाई परिवारले पनि पूर्ण साथ दिने गरेको बताए । जिल्ला पशुसेवा कार्यालय र स्थानीय सरुमारानी गाउँपालिकाले ५०–५० हजार अनुदान सहयोग गरेको उनको भनाई छ । सरोकारवाला निकायबाट सहयोग पाए ब्यावसायलाइ जिल्ला कै नमुना ब्याबसायको रुपमा बिकास गर्ने सोच रहेको उनको भनाइ छ । आफू जस्ता कृषकलाई राज्यले सहयोग गर्नुपर्ने धारणा उनको छ ।


Views: 60