22nd June | 2018 | Friday | 10:48:38 PM

जापान एयरलाइन्सद्वारा कार्गो सेवा सुरु

  POSTED ON : Tuesday, 14 November, 2017 (3:27:40 PM)

जापान एयरलाइन्सद्वारा कार्गो सेवा सुरु

काठमाडौं । जापान एयरलाइन्सले नेपालबाट कार्गो सेवा सुरुवात गरेको छ । हाल विभिन्न आधुनिक विमानमार्फत विश्वका ९२ वटा गन्तव्यमा प्रदान गर्दैै आएको एयरलाइन्सले नेपालका लागि स्टारलाइट एक्प्रेसलाई तोकेको छ । हामीले धेरै मिहिनेतसाथ यो सेवाको सुरुवात गरेका छौं । स्टारलाइटका प्रबन्ध निर्देशक सुन्दर दाहालले भने– यो नेपाल र नेपालीका लागि गौरवको विषय हो । दुई देशबीचको कार्गो सेवाले दुई देशीय आर्थिक सहयोगमा महत्वपूर्ण भूमिका खेल्ने कम्पनीले अपेक्षा गरेको छ । हाल नेपालबाट दिल्लीसम्म नेपाल एयरलाइन्स र दिल्लीबाट जापानसम्म जापान एयरलाइन्समार्फत हरेक दिन कार्गो सेवा उपलब्ध गराउँदै आएको छ । उच्चस्तरी सेवा र सुविधासहित सेवा विस्तार गरिरहेको जापान एयरलाइन्सको दररेट अन्य एयरलाइन्सको तुलनामा सस्तो रहेको पनि कम्पनीले दाबी गरेको छ ।