19th September | 2019 | Thursday | 8:51:09 PM

मन्त्री विष्ट : साउदी अरेबिया र लेबनानी समकक्षी भेटवार्ता

  POSTED ON : जेठ २८, २०७६ (७:०६ PM)

मन्त्री विष्ट : साउदी अरेबिया र लेबनानी समकक्षी भेटवार्ता

काठमाडौं । अन्तर्रा्ष्ट्रिय श्रम सङ्गठन (आईएलओ)को शतवार्षिकी समारोहमा सहभागी हुन स्वीट्जरल्याण्डको जेनेभा पुगेका श्रम, रोजगार तथा सामाजिक सुरक्षामन्त्री गोकर्ण विष्टसँग विभिन्न मुलुकका समकक्षीले द्विपक्षीय भेटवार्ता गरेका छन् ।

मन्त्री विष्टसँग आईएलओको कार्यक्रममा सहभागी हुन जेनेभा पुगेका साउदी अरेबिया र लेबनानका समकक्षीले भेटवार्ता गरेको श्रम, रोजगार तथा सामाजिक सुरक्षा मन्त्रालयले जनाएको छ । 

मन्त्री विष्ट र लेवनानका श्रममन्त्री मोहम्मद क्यामिल अवुसेलेमनबीच भएको भेटमा श्रम आप्रवासनका विविध आयामबारे छलफल भएको थियो । त्यस्तै उनीसँग आजै साउदी अरबका श्रम तथा सामाजिक विकासमन्त्री अहमद विन सलमान अलराझीले पनि भेटवार्ता गरे । 

भेटमा उनीहरुबीच श्रम सम्बन्धलगायत द्विपक्षीय सम्बन्धका विविध विषयमा छलफल भएको मन्त्री विष्टका प्रेस संयोजक मदन खनालले जानकारी दिए । रासस


Views: 136

सम्बन्धित सामग्री:

११ अर्ब बराबरको धागो निर्यात

: आश्विन २, २०७६ (६:१० PM)

नेप्से परिसूचक पुनः ओरालो

: आश्विन २, २०७६ (४:५३ PM)