Date:2017/10/21 |Saturday

उत्तर कोरियासँगको विकल्प ‘सैनिक समाधान’ : अमेरिकी राष्ट्रपति

Posted on: August 12, 2017 | views: 49 |

अमेरिका(एजेन्सी) । अमेरिकी राष्ट्रपति डोनाल्ड ट्रम्पले उत्तर कोरियासँगको विकल्प ‘तयारी अवस्थामा वन्द’ रहेको हतियार भएको बताएका छन् ।

ट्रम्पले उत्तर कोरियाको हतियार दम्भप्रति इङगित गर्दै र उत्तर कोरिया बुद्धिमान् भएर प्रस्तुत नभए यसको समाधान ठाउँमा पूर्णतया ‘बन्द तर तयारी’ अवस्थामा रहेको बताउँदै नेता किम जोङ उनले युद्धको नभै अर्को बाटो लिने विश्वास आफ्नो ट्वीट सन्देशमा जनाएका छन्।

अमेरिकी राष्ट्रपतिको उत्तर कोरियाली आणविक तथा ब्यालेष्टिक क्षेप्यास्त्र कार्यक्रमका बिषयमा व्यक्त लडाईका शब्द र उत्तर कोरियाद्वारा निरन्तर गर्दै आएका हतियार परीक्षण दुवै काम गलत भएका भन्दै बेइजिङले रिसमा दिइएका अभिव्यक्तिलाई शान्त पार्न उनीहरूलाई आग्रह गरेको छ।

एक दिन पहिले अमेरिकी राष्ट्रपति ट्रम्पले प्योङयाङविरुद्ध कडा चेतावनी दिँदै अमेरिकालाई तर्साउने प्रक्रिया जारी राखेमा उसले नराम्रो प्रतिफल पाउने चेतावनी दिएका थिए। ट्रम्पले आफ्ना कुरा अझै कडा नभएको भन्दै थप कडा भएर प्रस्तुत हुने बताएका थिए।

अमेरिकी राष्ट्रपतिले उत्तर कोरियालाई अमेरिकी माटोमाथि आक्रमण गर्नुपूर्व ‘धेरै धेरै संवेदनशील’ भएर सोच्न आग्रह गरेका थिए। उत्तर कोरियामाथि थप आर्थिक प्रतिवन्ध लगाउने अमेरिकी प्रस्ताव संयुक्त राष्ट्रसङ्घबाट पासभएपछि र राष्ट्रसङ्घले आर्थिक प्रतिवन्धलाई कडा पारेपछि थप रुष्ट देखिएको छ।

यस वर्षको जुलाईमा उत्तर कोरियाले लगातार दुई अन्तर महादेशीय क्षेप्यास्त्र परीक्षण गरेपछि प्योङ्याङ र अमेरिकाबीच तनाव चुलिएको छ।

Share your thoughts!


इम्प्रेसन पब्लिकेसन एण्ड मिडिया प्रा.लि.द्वारा सञ्चालित
केन्द्रीय कार्यालय – मध्यबानेश्वर काठमाडौं