22nd February | 2018 | Thursday | 2:46:51 AM

विष्फोटमा परी पाकिस्तानमा ८ सुरक्षाकर्मीसहित १५ को मृत्यु

  POSTED ON : Sunday, 13 August, 2017 (2:59:41 PM)

विष्फोटमा परी पाकिस्तानमा ८ सुरक्षाकर्मीसहित १५ को मृत्यु

इस्लामाबाद(एजेन्सी)। पाकिस्तानको क्वेटा सहरमा शनिबार बेलुका भएको बम विस्फोटमा परी कम्तीमा १५ जनाको मृत्यु भएको छ भने ३० जना घाइते भएका छन्।

सुरक्षाकर्मीको ट्रकलाई लक्षित गरी केही आतङ्ककारीले गराएको बम विष्फोटमा परी मृत्यु भएका १५ जनामध्ये आठजना सुरक्षाकर्मी रहेका सुरक्षाअधिकारीहरुले जानकारी दिएका छन्।

अस्पतालका अधिकारीहरुले घाइते मध्ये पाँच जनाको अवस्था गम्भीर रहेकाले मृत्यु हुनेहरुको सङ्ख्या बढ्न सक्ने बताएका छन्।

विष्फोटबाट जलेर दुई वटा कार, चार रिक्सा र दुई वटा मोटरसाईकल जलेर नष्ट भएका छन् भने केही भवनमा क्षति पुगेको अधिकारीहरुले बताएका छन् ।
घटनाको अहिलेसम्म कुनै पनि समूहले जिम्मेवारी लिएको छैन। पाकिस्तानका राष्ट्रपति मम्नुन हसिनले घटनाको निन्दा गर्दै घाइतेहरुको उपचारमा ध्यान दिन निर्देशन दिएका छन्।