20th February | 2018 | Tuesday | 7:01:46 PM

दक्षिणी थाइल्याण्डमा सैनिकमाथि विद्रोहीको आक्रमण

  POSTED ON : Thursday, 14 September, 2017 (6:07:20 PM)

दक्षिणी थाइल्याण्डमा सैनिकमाथि विद्रोहीको आक्रमण

बैंकक । थाइल्याण्डको दक्षिणी भू–भागमा सैनिकको गस्तीलाई लक्षित गरी संदिग्ध विद्रोहीले एम्बुस आक्रमण गरेका छन् । 

बिहीबार बिहान भएको सो आक्रमणमा परी एक जना सैनिकको मृत्यु भएको छ । 

त्यसैगरी यस आक्रमणमा परी अन्य २० जना सैनिक घाइते भएका अधिकारीले बिहीबार जानकारी दिएका छन् । 

मेलेसियाको सीमा क्षेत्रमा पर्ने यस मुस्लिम क्षेत्रमा जातीयरुपमा मलाय विद्रोहीले एक दशकभन्दा बढी समयदेखि बौद्ध धर्मावलम्बीको बाहुल्यता रहेको यस देशमा हिंसा मच्चाउँदै आएका छन् । 

उनीहरुले नै सेनाको गस्तीमाथि एम्बुस थापेको हुनसक्ने अनुमान गरिएको छ । तर उनीले भने यस घटनाको जिम्मेवारी लिएका छैनन् । 

थाइल्याण्डको सुदुर दक्षिणी यस भागमा करिब एक दशकभन्दा बढीदेखि जारी यस द्वन्द्वमा परी छ हजार ८०० व्यक्तिको मृत्यु भइसकेको छ । 

यस क्षेत्रको याला प्रान्तको याहा जिल्लामा सडकको किनारमा एम्बुस बिच्छ्याइएको थियो । सोही बाटो भएर गुडिरहेको सैनिक गस्तीको सवारीसाधन सो एम्बुमा ठोक्किएको थियो । 

थाई सैनिक प्रवक्ता कर्नेल प्रामोटे प्रोमका अनुसार यस आक्रमणमा एक सैनिकको मृत्यु हुनुको साथै अन्य १८ सैनिक घाइते भएका छन । घाइते हुनेमा दुई गाउँले पनि छन् । रासस÷एएफपी