Date:2017/10/17 |Tuesday

म्यानमार २८ जना हिन्दू नागरिकको शव भेटियो

Posted on: September 26, 2017 | views: 58 |

याङ्गुन । म्यानमारको उत्तरी राज्य राखिनको माउङ्गताउ क्षेत्रमा २८ जना हिन्दू गाउँलेको शव भेटिएको छ । 

म्यानमारको सरकारी समाचार समितिले दिएको समाचारअनुसार गत अगस्त २५ मा आराकान रोहिङ्गा सल्भासन आर्मी (एआरएसए) अतिवादीका करिब ३ सय आतंककारीले गरेको आक्रमणमा ती २८ व्यक्ति मारिएको अनुमान गरिएको छ । 

यद्यपि यस विषयमा अझै अनुसन्धान जारी रहेको बताइएको छ । म्यानमारको राखिन राज्यमा रोहिङ्गा मुसलमान समूदायको बसोबास रहेको छ । 

उक्त समुदायका नागरिकहरुको बस्तीमा गत अगस्ट २५ बाट जारी द्वन्द्वमा चार लाख ३६ हजार नागरिक भागेर बङ्गलादेश बिस्थापित भएका छन् । 

बङ्गलादेश जाने क्रममा र राखिन राज्यमा नै द्वन्द्वको क्रममा सयाँै व्यक्तिले ज्यान गुमाएका छन् । ज्यान गुमाउने रोहिङ्गा मुसलमान र हिन्दू दुवै रहेका छन् । 

रोहिङ्गा समुदायसँगको झडपका कारण ती हिन्दूहरु मारिएका हुनसक्ने अनुमान गरिएको भए पनि यसको तथ्य भने बाहिर आएको छैन । रासस÷सिन्ह्वा


Share your thoughts!


इम्प्रेसन पब्लिकेसन एण्ड मिडिया प्रा.लि.द्वारा सञ्चालित
केन्द्रीय कार्यालय – मध्यबानेश्वर काठमाडौं