22nd July | 2018 | Sunday | 10:20:42 PM

दुर्घटनामा परी उपप्रधानमन्त्रीको निधन

  POSTED ON : Saturday, 07 October, 2017 (6:00:47 PM)

दुर्घटनामा परी उपप्रधानमन्त्रीको निधन

विसकेक । किर्गिस्तानका उपप्रधानमन्त्री तेमिर झुमाकादिरोभको कार दुर्घटनामा परी शनिबार निधन भएको छ । 

एक राजमार्गमा गुडिरहेको उनको कार ट्रकसँग ठोक्किएर दुर्घटनामा परेको किर्गिस्तानको सरकारी समाचार संस्थाले जनाएको छ । 

स्थानीय समयानुसार शनिबार विहान करिब ७.३० बजे विसकेक–कारा–बाल्टा राजमार्ग अन्तर्गत पर्ने साडोभोए गाँउमा दुर्घटना भएको समाचारमा जनाइएको छ । 

उपप्रधानमन्त्री झुमाकादिरोभ र उनका सहयोगी टोयटा ल्याण्डक्रुजरमा यात्रा गरिरहेका थिए । उनिहरु दुबै जनाकोे दुर्घटना स्थलमा मृत्यु भएको बताइएको छ । 

गाडीका चालकलाई भने दुर्घटनापछि अस्पताल लगिएको थियो । उनको अस्पतालमा उपचारको क्रममा मृत्यु भएको छ । 

उपप्रधानमन्त्री झुमाकादिरोभ ३८ वर्षको थिए । उनि गत अगस्तमा मात्रै उपप्रधानमन्त्रीमा नियुक्त भएका थिए । रासस÷सिन्ह्वा