18th August | 2018 | Saturday | 12:40:38 PM

प्रदर्शनका क्रममा गाजामा ३७ को मृत्यु

  POSTED ON : Monday, 14 May, 2018 (8:50:16 PM)

प्रदर्शनका क्रममा गाजामा ३७ को मृत्यु

गाजा । प्यालेस्टिनीको गाजा क्षेत्रमा भएको प्रदर्शनका क्रममा कम्तीमा ३७ जना प्यालेस्टानीको मृत्यु भएको छ । 

सोमबार भएको प्रदर्शन अमेरिकाले आफ्नो दूताबास जेरुसेलममा सारेको विरोधका साथै इजरायलद्वारा सीमाक्षेत्रमा गरेको हस्तक्षेपका विरुद्ध भएको बताइएको छ । 

इजरायलसँगको सिमानामा पर्ने गाजामा आक्रोसित प्यालेस्टिनी प्रदर्शनकारी र इजरायली सेनाबीच झडप हुँदा सोमबार उनीहरूको मृत्यु भएको हो । 

प्रदर्शनमा सहभागी सयौं प्यालेिस्टनी मध्ये झण्डै नौ सय जना घाइते भएका अधिकारीहरूले जानकारी दिएका छन् । 

गाजाको स्वास्थ्य मन्त्रालयका प्रवक्ता असरफ अल क्वेद्राले कम्तीमा ३७ जना प्यालेष्टिनीप्रदर्शनकारी मारिएको र सयौँको सङ्ख्यामा प्रदर्शनकारी घाइते भएको पुष्टी गरे । 

घाइते मध्ये २५० जनालाई इजरायली सुरक्षाकर्मीले प्रहार गरेको गोली नै लागेको उनले बताए ।

प्यालेष्टिनी प्रदर्शनकारीहरुले आवेगमा सिमाना छुट्याउनका लागि लगाइएको काँडेतार काटेर फालिदिएका छन् । 

गत मार्च ३० देखि निरन्तर प्रदर्शन गर्दै आइरहेका प्रदर्शनकारीहरुको एउटा ठूलो समूहले सोमबार पनि प्रदर्शन गरेको हो । सिन्ह्वा÷एएफपी