26th March | 2019 | Tuesday | 2:04:56 AM

शान्ति पुरस्कारका लागि ट्रम्पको नाम सिफारिस

रासस/एएफपी   POSTED ON : फाल्गुन ७, २०७५ (७:२८ AM)

शान्ति पुरस्कारका लागि ट्रम्पको नाम सिफारिस

टोकियो । वासिंटनको अनुरोधमा अमेरिकी राष्ट्रपति डोनाल्ड ट्रम्पलाई सन् २०१८ को नोबेल शान्ति पुरस्कारका लागि जापानी प्रधानमन्त्री सिन्जो आवेले मनोनयन गरेको एक जापानी पत्रिकाले आफ्नो आइतबारको संस्करणमा उल्लेख गरेको छ । गत वर्षको जुन महिनामा उत्तर कोरियाली नेता किम जोङ उनसँगको महŒवपूर्ण शिखर सम्मेलन गरेपछि ट्रम्पको नाम मनोनयन गर्न सम्भावना भएको वासिंटनले भनेको एक जापानी सरकारी स्रोतले जानकारी दिएको जापानी पत्रिका आसाही शिम्बुनले लेखेको छ । अमेरिकी राष्ट्रपति ट्रम्पले गत शुक्रबार आफ्नो नाम शान्ति पुरस्कारका लागि जापानी प्रधानमन्त्री आबेले मनोनयन गरेको बताएपछि उक्त रिपोर्ट बाहिर आएको हो ।

आबेले नोबेल शान्ति पुरस्कार समितिलाई पठाएको पाँच पाना लामो पत्रको प्रतिलिपि आफूलाई पठाएको अमेरिकी राष्ट्रपति ट्रम्पले बताएका छन् । पत्रमा जापानी नेताले प्योङयाङसँग चलेको तनावलाई शान्त बनाउन खेलेको योगदानको प्रशंसा गरेका छन् । जापानी नेताले पत्रमा ‘मैले तपार्इंलाई नोबेल शान्ति पुरस्कार दिनका लागि अनुरोध गरेको छु भनी भनेको र आफूले उनलाई धन्यवाद दिएको’ अमेरिकी राष्ट्रपतिले हृवाइट हाउसमा भेला भएका सञ्चारकर्मीसँग बताएका थिए ।


Views: 52