24th March | 2019 | Sunday | 9:06:31 AM

व्यापार वातावरण सुध्रिनेमा चीन आशावादी

एजेन्सी   POSTED ON : फाल्गुन २७, २०७५ (५:५५ AM)

व्यापार वातावरण सुध्रिनेमा चीन आशावादी

बेइजिङ । चीनका राष्ट्रपति सी जिङ पिङले व्यापार वातावरण अझ राम्रो बनाउन सरकार प्रयासरत् रहेको बताएका छन् । चीनको सर्वोच्च आधिकारिक संस्था राष्ट्रिय जन कंग्रेसमा पेश गरिएको सरकारी कार्य प्रतिवेदनबारे आफ्नो धारणा राख्दै उनले भने, ‘बजारको मुख्य पक्षको जीवन्त शक्तिलाई प्रोत्साहित गरिँदै व्यापार वातावरणलाई सुधार गरिनु सरकारका १० वटा मुख्य कार्यभारमध्येको एक रहेको छ ।’ व्यापार वातावरण अझ राम्रो बनाउन सरकार तथा पार्टी लागिपरेको तर सबैभन्दा राम्रो अवस्था भने भइनसकेको उनले बताए । विश्वमा सबभन्दा ठूलो विकासोन्मुख मुलुक चीनमा व्यापार वातावरण तथा अन्तर्राष्ट्रियस्तरको व्यापार वातावरण बीच ठूलो अन्तर रहिरहेकाले यस अन्तरलाई साँघुरो पार्न चीनले सुधारलाई गहन पार्दै खुलापनलाई विस्तार गर्दै जाने उनको भनाइ थियो । राष्ट्रिय आर्थिक प्राविधिक विकास क्षेत्र, उच्च र नयाँ प्रविधि उद्योग क्षेत्रको समर्थन गर्न चीन सरकारले स्वतन्त्र व्यापार परीक्षात्मक क्षेत्रलाई अझ ठूलो नवीन अधिकार दिने योजना गरेको छ । ‘ती योजनाहरूबाट विदेशी लगानीलगायत बजारमा थप जीवन्त शक्ति र नवीन क्षमता प्रोत्साहन गरिनेछ र चीन र विश्व अर्थको मिलनलाई अझ घनिष्ट पारिनेछ । लगानीको लागि चीन अझै आकर्षक गन्तव्य हुँदै जानेछ’, सीले भने । 


Views: 18