Date:2017/08/18 |Friday

गजल

Posted on: April 15, 2017 | views: 1085 | संजिता बाँस्कोटा

अमृत देखाउँदै बिष पिलाएर गयौ,  

अतृप्त चाहनाका थैली सिलाएर गयौ ।


मान्छे साँच्चै महत्वकांक्षि हुँदो रहेछ ,

यहि कुराको यकिन दिलाएर गयौ ।


कहिल्यै चाहिन अरुको कुभलो मैले ,

बद्लामा नमिठो चोट खिलाएर गयौ ।


जीवन जीउँने तरिका सबैको आफ्नै हुन्छ,

सायद आफ्नो तौर–तरिका मिलाएर गयौ ।


सोंच्छु हाम्रो मायाँ पानीको फोका झैँ रहेछ ,

पर्नै नपाइ बलेसीमा बिलाएर गयौ ।

         –संजिता बाँस्कोटा, काठमाण्डौं ।


Share your thoughts!


इम्प्रेसन पब्लिकेसन एण्ड मिडिया प्रा.लि.द्वारा सञ्चालित
केन्द्रीय कार्यालय – मध्यबानेश्वर काठमाडौं