Date:2017/12/15 |Friday

कविता - ऊ नभएको भए

Posted on: May 07, 2017 | views: 350 | ज्योती किरण

अब्यक्त चाहनाहरु कुर्लेर,

दौडिरहेका ,

ए ! पानीका छालहरु हो !

भिजाएर सपनाहरु घामले ,

जूनले नुहाएर सर्बाङ्ग प्रकृति ,

तिम्रा सामु खत्रक्क राखेर सोध्न मन छ,

भन !

तिमी घाम रोज्छौ कि जून ?

तिमी सपना रोज्छौ कि,

सर्बाङ्ग प्रकृति ?

म त,

प्रश्नहरुको बिहान उठ्छु,

समस्याहरुको दिन दगुर्छु,

र,

समाधान हिन तनावग्रस्त रात सँग,

अवेर सम्म तिमीलाई ,

कुरिरहन्छु नाङ्गै ,

जब,

अर्ध निन्द्रामा ,

टोलाउछु ओछ्यान ,

पुरै,

शिव लिंगमा झुत्तिएका महिलाहरुको,

छाया चित्रले लज्जित हुन्छ सपना,

जब,

झल्यास्स बिउँझन्छु लाज सरी,

बिउँझदा,

एउटा युग को अन्त्य भैसकेको हुन्छ,

र,

यस्तो लाग्छ,

यो शिव लिंग नभएको भए ,

म कति रमाउथे होला आज ?

–ज्योती किरण, झापा


Share your thoughts!


इम्प्रेसन पब्लिकेसन एण्ड मिडिया प्रा.लि.द्वारा सञ्चालित
केन्द्रीय कार्यालय – मध्यबानेश्वर काठमाडौं