Date:2017/10/20 |Friday

कविता–बडादशैं तिमीलाई स्वागत छ

Posted on: September 29, 2017 | views: 99 | पार्वती निरौला

तिमीलाई स्वागत छ बडादशैं घरआगनमा खुशी लिएर आउनु ,

फाटिएका मन मुटुलाई एकफेरा सिलाएर आउनु ,

आडम्बरी घुम्टो फालेर तिमी संस्कृति जोगाएर आउनु ,

तिमीलाई स्वागत छ बडादशैं तिमी नेपालीको खुशी लिएर आउनु ।


परदेशीएका परदेशीको गोरेटो खनेर आउनुु

मान्यजन , आफन्त, इष्टमित्रको सेतु बनेर आउनु

आडम्बरी घुम्टो फालेर तिमी संस्कृति जोगाएर आउनु

तिमीलाई स्वागत छ बडादशैं तिमी नेपालीको खुशी लिएर आउनु ।


जात पात र क्षेत्रियताले फाटेको मन सिएर आउनु

सुख, शान्ति, समृद्धिको कामना लिएर आउनु

आडम्बरी घुम्टो फालेर तिमी संस्कृति जोगाएर आउनु

तिमीलाई स्वागत छ बडादशैं तिमी नेपालीको खुशी लिएर आउनु ।





Share your thoughts!


इम्प्रेसन पब्लिकेसन एण्ड मिडिया प्रा.लि.द्वारा सञ्चालित
केन्द्रीय कार्यालय – मध्यबानेश्वर काठमाडौं