Date:2017/12/14 |Thursday

कविता– रात

Posted on: October 10, 2017 | views: 222 | सीता आस्था ढुंगेल

म चुपचाप
म शान्त
मेरै जीवनको
रंग भरिराखेको मान्छे
न तिमी संग
कुनै सम्वन्ध छ
न कुनै सम्झौता छ

बेखबर
बेहिसाब
लगामको घोडा फुकाउँन आइपुग्यौ
यो सुनसान बस्तिमा
आशा बिरुद्धको
खेल खेल्दै
निन्द्राको बिध्वंश गरेर,
मन निमोठेर
मस्तिस्कमा आघात पुर्याउछौं
ठेस लाग्छ
अनि दुख्छ,
चर्चराएको घाऊ
रगतपच्छे पारेर भाग्छौ ।


उज्यालो आकाश संग
यदि
सम्झौता छ भने
हे रात ! किन तिमी
मेरो यो घरको
अनिँदो आकाश भएर आउँछौ ?


–झापा


Share your thoughts!


इम्प्रेसन पब्लिकेसन एण्ड मिडिया प्रा.लि.द्वारा सञ्चालित
केन्द्रीय कार्यालय – मध्यबानेश्वर काठमाडौं