मिलेको छैन रे त्यहाँ मर्यादाक्रम !

सच्याउनु पर्छ रे त्यहाँ वरियता क्रम !!

छैनन् कोही भन्दा कोही कम !

भन्दैछन् तँ भन्दा म के कम ?

तैंले भन्दा मैले 

पढेको छु धेरै पाठ्यक्रम !

गरेकोे छु यहाँ ठुलै पराक्रम !!

“क्रमबद्ध भन्दा क्रमभङ्गलाई 

गरे हुन्न बरु वेलकम  ?

तत्पश्चात शुरुआत हुनेछ फेरि 

कुर्सीमा बस्ने क्रम....

आरम्भ हुनेछ फेरि 

ब्यक्तिगत विकासको क्रम .....

अर्थात 

भूँडीभर्ने क्रम !

देश लुट्ने क्रम !

तन्तनी पिउन थालिने छ अनि 

रंग..कडा...चिनी कम !!

ह्विस्की ज्यादा पानी कम !!

एवं रीतले ,

अनन्त कालसम्म यसरी नै

क्रमशः 

विकास हुँदै जानेछ यहाँ 

घटनाक्रम !

जारी नै रहने छ यहाँ 

यो देशको विनाशको क्रम .........