19th November | 2018 | Monday | 1:56:23 AM

रवि तिम्रो सामिप्यता

मुना दाहाल   POSTED ON : Sunday, 28 October, 2018 (2:35:17 PM)

रवि तिम्रो सामिप्यता

छवि घुम्छ वरपर जहाँ पाउँदिन छाम्दा कतै।

 हेर्छु उठि मध्य रातमा रुदै झरेछन् तारा अन्तै ।


 मिलनको आशामा अँधेरी रातमा बसेकी तारा । 

ज्योती छैन साथ दिनलाई प्रकाश छर्ने सारा । 


बेरिएछ सपनी भरि नै आलिड़गन पाई उसको ।

 खोली हेर्दछ जब नयन बिलाउँछ तस्वीर त्यसको ।


 रविका प्रकाश आएर पोखियो धर्ती भरी झलमल 

छैन कहि कतै खोज्दछु मध्याह्नमा शित लहर ।। 


रोकिदैन आशले मनभरि आउछ कि फेरि उही । 

बस्छु प्रिय तिम्रो नगिचमा सामिप्य राखे कहि । 


भो नलाऊ दलबल सक्दैनौ कि त राख्न भने । 

सुर्ता आफ्नो मात्र गरेर फाँसीमै पार्छौ कि लौ भने ।


 छल बल कपट नगर भन्ने भेटिन्न लौन हरि ।

 छोए धोए पखालेर दाग मेटिन्न कसै गरि ।। 


आशाकी भरोसा उठाएर लान उसैले खोज्दछ रे । 

रविको छविमा लुकाएर बास बसौला भन्दैछ रे ।।


 झुल्कि आको आभास हुने त यो हृदयमा कति ।

 छोडि गै गयो निष्ठुरी मन बनाइ चोटैचोट दिइ जति ।


जुनकिरीको टिपटिपे उज्यालो त लाग्दछ अति ।

 आउने बाटो हेरेर बस्छु सम्झाउँदैमा मन कति ।।


Views: 172