24th March | 2019 | Sunday | 8:41:15 AM

किन उम्रन्छ आँखामा समुन्द्र ?

सीता आस्था ढुंगेल   POSTED ON : पुष १४, २०७५ (११:१० AM)

 किन उम्रन्छ आँखामा समुन्द्र ?

जति पटक देख्छु

उसलाई म 

उति पटक 

उसको आँखाको डिलमा

पानी उम्रिएकै हुन्छ 

चिसो ओस पलाएकै हुन्छ

र सिम बनेर 

पानी पलाएकै हुन्छ 

भुलभुल मूल फुटेर 

किन यस्तो हुन्छ ?

म मौन प्रश्नहरूमा डुब्छु

के ऊभित्र नारी हुनुको अविशाप दुखेको हो ?

कि ऊ पटकपटक बलात्कृत भएर हो ?

म जान्न चाहन्छु 

उसको नजरको बाटो अँध्यारो छ

मन उज्यालो भए पनि

फरक परिवेश

फरक परिस्थितिले

नांगेझार पारेको आभास

हुनसक्छ कि उसमा !

कि पतिले छाडेको प्रतीक 

सिन्दुरको नाम र सम्झनामा 

डिभोर्स पेपरको 

याद आएको छ ?

नाबालक छोरो 

अपहरणमा परेर 

मारिएको चित्र छ कि 

उसका आँखामा

नत्र किन ?

हिमाल र पहाडको काप फोरेर 

छङ्छङाएर बगेको 

नागबेली खोलाझैँ

बग्छ निरन्तर 

उसको आँखाबाट तुफानी समुन्द्र ?


Views: 159

सम्बन्धित सामग्री: