22nd July | 2018 | Sunday | 12:26:13 PM

सामाजिक सेवासँगै सीतारामको जन्मदिन

  POSTED ON : Sunday, 08 October, 2017 (5:27:11 PM)

सामाजिक सेवासँगै सीतारामको जन्मदिन

काठमाडौं । ‘आँखाको नानी हौ तिमी’ बोलको गीतबाट दर्शक तथा श्रोतामाझ चिनिएका गायक सीताराम पोखरेलले आफ्नो जन्मदिन सामाजिक काममा खर्चिएका छन् । विसं उनले जन्मदिनको अवसरमा बुधबार काठमाडौं, गोकर्णमा रहेको स्वास्थ्य समाज नेपालमा आश्रित बालबालिकाका लागि खाद्यान्न उपलब्ध गराएका हुन् ।

संस्थापक सीता श्रेष्ठलाई ६ महिनाका लागि सामग्री हस्तान्तरण गर्दै उनले केकसमेत काटे । चौध वर्षदेखि पोखरेल आफ्नो जन्मदिन विभिन्न संघसंस्था वा पीडितलाई सहयोग गर्दै मनाउँदै आएका छन् । उनले भने, ‘हरेक वर्ष थप एउटा वसन्तपार गर्नुको खुसी जीवनकै लागि संघर्षरतहरूसँग मनाउनुले संन्तुष्टि दिन्छ ।’ सीताराम विसं २०४४ सालदेखि गीतसंगीतको क्षेत्रमा सक्रिय छन् ।