18th August | 2018 | Saturday | 11:36:07 PM

कसरी हुन पुग्यो रेखाको कार दुर्घटना ?

  POSTED ON : Thursday, 12 October, 2017 (4:15:10 PM)

कसरी हुन पुग्यो रेखाको कार दुर्घटना ?

काठमाडौं । नायिका रेखा थापाले चलाएको कार दुर्घटनामा परेको छ । बा१४च ४७२ नम्बरको रेखाको कारलाई दायाँपट्टीबाट ओभरटेक गर्ने क्रममा ना२ख ८६२४ नम्बरको मालवाहक ट्रकले कारको दायाँ भागमा धक्का दिँदा केही क्षति हुन पुगेको छ । रेखा भने सकुशल छिन् । 

एक टेलिभिजनको अन्तर्वार्ता सकेर अम्बे अपार्टमेन्ट फर्कँदै गर्दा रेखाको कारलाई ट्रकले धक्का दिएको हो । दुर्घटनामा परेका कार र ट्रक दुवैलाई प्रहरीले नियन्त्रणमा लिई गौशाला प्रहरी वृत्त परिसरमा राखेको छ । रेखा र आर्यन स्टारर चलचित्र ’रुद्रप्रिया’ कात्तिक २ बाट प्रदर्शनमा आउँदैछ । नायिका रेखा यतिबेला यसै चलचित्रको प्रचारप्रसारमा व्यस्त रहेकी छिन् ।