20th July | 2019 | Saturday | 8:41:25 AM

चलचित्रमा नृत्य कार्यशाला सम्पन्न

हिमालय टाइम्स   POSTED ON : असार ८, २०७६ (१:२२ PM)

चलचित्रमा नृत्य कार्यशाला सम्पन्न

काठमाडौं । राजधानीमा ‘चलचित्रमा नृत्य’ नामक एकदिने कार्यशाला सम्पन्न भएको छ । नेपाली चलचित्र क्षेत्रमा नृत्य कर्म गर्नेहरूको संघ नेपाल चलचित्र नृत्य संघले शुक्रबार ‘चलचित्रमा नृत्य’ नामक एकदिने कार्यशाला चलचित्र विकास बोर्डका अध्यक्ष केशव भट्टराईको प्रमुख आतिथ्यतमा सम्पन्न गरेको हो । 

चलचित्र कलाकार संघका अध्यक्ष रविन्द्र खड्का, नेपाल चलचित्र निर्देशक समाज अध्यक्ष सुचित्रा श्रेष्ठ, नेपाल चलचित्र प्राविधिक संघ अध्यक्ष पुष्कर लामालगायतले नेपाल चलचित्र नृत्य संघले गरेको कार्यशालाका निम्ति शुभकामना मन्तव्य दिएका थिए । कार्यक्रममा चलचित्र कलाकार संघका नवनिर्वाचित अध्यक्षलगायत सबै सदस्यलाई सम्मान गरिएको थियो । 

कार्यक्रममा प्रमुख अतिति केशव भट्टराईले चलचित्र क्षेत्रको विकास गर्नका लागि कार्यशाला, गोष्ठी हुन जरुरी र संघसंस्था मर्यादित भएर आफ्ना सदस्यलाई सिष्टममा ल्याउन जरुरी रहेको बताए । नेपाल चलचित्र नृत्य संघका वसन्त श्रेष्ठले छायांकन अवधिमा छिटोछरितो तवरले छायांकन, मौलिकता, इतिहास, संस्कृति, भेषभूषा, संगीत आदिको ज्ञान आर्जन हुनका साथै यो कार्यशालाले निर्माण पक्षलगायत देशकै संस्कृति सम्वद्र्धन र चलचित्रकर्मीलाई फाइदा पु¥याउने बताए । 

गोविन्द प्रभात कार्यक्रम संयोजक रहेको कार्यशालाको प्रशिक्षकमा क्यामेरामा गौरी शंकर धुजु, निर्देशकमा लक्ष्मी नारायणा शर्मा, नृत्यमा कमल राई र राजु शाह रहेका थिए भने अचुत घिमिरेले नृत्यको इतिहासमाथि प्रकाश पारेका थिए ।

कार्यशालामा काठमाडौं र मोफसलबाट कला क्षेत्रमा काम गरिरहेका व्यक्तित्वहरूको सहभागिता रहेको थियो । उनीहरूले कार्यशाला निक्कै उपयोगी रहेको बताए । नेपाल चलचित्र नृत्य संघले आगामी दिनमा पनि यस्तै अन्य कार्यक्रमलाई निरन्तरता दिने कार्यक्रम संयोजक गोविन्द प्रभातले जानकारी गराए । कार्यशालाको मोटिभेटरमा अस्तिभा शास्त्री र डिपी आत्रेय रहेका थिए ।


Views: 79

सम्बन्धित सामग्री: