19th October | 2019 | Saturday | 8:56:33 PM

आर्यनको पहिलो पटक सिल्की डान्स

हिमालय टाइम्स   POSTED ON : भदौ ६, २०७६ (८:५६ AM)

आर्यनको पहिलो पटक सिल्की डान्स

काठमाडौं । नायक आर्यन सिग्देल नृत्यभन्दा पनि अभिनयमा अब्बल छन् । उनको अभिनयलाई लाखौं दर्शकले मन पराएका छन् । आर्यनले आफूले हालसम्मकै फरक नृत्य गरेको बताएका छन् । 

उनले आगामी मंसिर ६ गतेबाट प्रदर्शनमा आउने तयारीमा रहेको चलचित्र ‘च च हुई’मा समावेश ‘सिल्की सिल्की बाल’ बोलको गीतमा अहिलेसम्मकै फरक नृत्य गरेको बताएका हुन् ।

बिहीबार राजधानीमा आयोजति एक कार्यक्रममा आर्यनले यसअघिका चलचित्रहरूमा नृत्य गरे पनि ‘च च हुई’मा विल्कुलै फरक नृत्य गर्ने अवसर मिलेको बताए । ‘गीतमा डान्स गर्दा रमाइलो भयो । मैले यस किसिमको गीतमा पहिलोपटक नृत्य गरेको हूँ । गीतमा हामीले निकै दुःख गरेका छौं’, आर्यनले भने, ‘त्यहाँ बाटो बनाएको समयमा हामीले निकै दुःख गरेर यात्रा गरेका छौ । मुस्ताङको मौसमानुसार तयारी गर्नु प¥यो । हामी बिहानै उठेर तयारी हुन्थ्यांै । त्यो दुःख आज पर्दामा हेर्दा सबै भुले ।’

गीतमा राजनराज शिवाकोटी र मेलिना राईको स्वर छ भने यसलाई राजनले नै कम्पोज गरेका हुन् । गीतमा राजनसँगै अमृत घोले लामा र श्याम लामिछानेको शब्द छ । गीतमा आर्यन सिग्देल, मिरुना मगर र भोलाराज सापकोटा देखिएका छन् । चलचित्रमा आर्यन र मिरुनाको जोडी दर्शकले देख्न पाउनेछन् । सार्वजानिक गीत मुस्ताङको छुसाङमा छायांकन गरिएको हो । 


Views: 104