22nd July | 2018 | Sunday | 8:56:31 AM

डा. केसीको जीवन रक्षाका लागि सरकारी चिकित्सकको हातमा कालोपट्टी

  POSTED ON : Wednesday, 09 August, 2017 (1:41:26 PM)

डा. केसीको जीवन रक्षाका लागि सरकारी चिकित्सकको हातमा कालोपट्टी

हिमालय टाइम्स काठमाडौं । डा. गोविन्द केसीको मागको विषयमा देशभरका सरकारी स्वास्थ्य संस्थामा कार्यरत चिकित्सकहरुले समर्थन जनाएका छन् ।


डा. केसी चिकित्सा क्षेत्रमा देखिएको विकृतिको सुधारको माग राख्दै ११ औं पटक अनसन बसेका छन् । डा. केसीको ११औं अनसन  १७ दिन भईसक्दा पनि सम्बन्धित निकायले चासो नदेखाएको भन्दै देशभर सरकारी स्वास्थ्य संस्थामा कार्यरत चिकित्सकले आज बुधबार हातमा कालोपट्टी बाँधेर काम गरिरहेका छन् ।


अनसनरत डा. गोविन्द केसीको माग र उनको जीवनप्रति सरकार गम्भीर नभएको भन्दै उनीहरु बुधबारदेखि आन्दोलनमा उत्रिएका हुन् ।


नेपाल चिकित्सक संघले केसीको जीवन रक्षाका लागि दबाब बढाउने निर्णय गरेसँगै देशभरका चिकित्सकहरुले दबाब बढाउँदै लगेको बताइएको छ ।
साथै संघले माग पूरा नगरेमा आकस्मिकबाहेकका सबै सेवा बन्द गर्ने चेतावनीसमेत मंगलबार दिएको छ ।