24th June | 2018 | Sunday | 8:55:47 PM

कसिलो ब्रा को प्रयोगले गम्भीर रोग लाग्न सक्छ

  POSTED ON : Sunday, 10 June, 2018 (6:49:02 PM)

कसिलो ब्रा को प्रयोगले गम्भीर रोग लाग्न सक्छ

काठमाडौं । धेरै महिलाले साइजलाई वास्ता नगरिकन ब्रा खरिद गर्ने गर्छन् ।  यस्तो लापरवाहीले शरीरलाई धेरै असहज गरिरहेको हुन्छ ।  कतिपय महिला आफ्नो स्तन को आकार देखाउन जानीजानी कसिलो ब्रा पहिरिरहेका हुन्छन् । तर, यसले गर्दा  काँध, दुख्ने हातको पाता दुख्ने र गर्दनमा पनि दुख्ने गर्छ साथै थाहै नपाई यही कारणले गम्भीर किसिमले गर्दन तथा ढाड दुख्ने हुन सक्छ ।

कसिलो ब्रा को प्रयोगले पार्ने प्रभाव–

१) ब्राले महिलाको स्तनलाई छातीमै रहन सहयोग गर्छ । तर, धेरै कसिएको ब्रा लगाउँदा यसले छातीमा सहज तरिकाले रगत सञ्चालन हुन दिँदैन । यसले टाउकोसँग सम्बन्धित गम्भीर रोग पनि लाग्न सक्छ ।

२) लामो समयसम्म कसिएको ब्रा पहिरिँदा काधमा दाद जस्तो गहिरो दाग बन्न सक्छ । जसले गर्दा चिलाउने र पोल्ने हुन्छ । लामो समयसम्म लगाउँदा काँधमा निलो डाम बस्ने र त्यसबाट दादको संक्रमण हुन सक्छ ।

३) कहिलेकाहीँ नमिलेको ब्रा र अन्डरवेयर लगाउँदा टाउको, छाती, ढाडको हड्डीमा पनि असर पर्छ । हड्डीमा असर गर्दा कहिलेकाहीँ श्वासप्रश्वासमा पनि समस्या हुने गरेको पाइन्छ ।

४) नमिलेको ब्रा लगाउँदा स्तनलाई सहयोग गर्नको सट्टा गर्दनमा दुखाइ बढ्न जान्छ र ढाडमा बढी दबाब पर्छ । यसले टाउको र गर्दनमा जाने रगतलाई रोकिदिन्छ । त्यसरी रोकेपछि टाउको दुख्ने समस्या आउँछ ।

५) कहिलेकाहीँ हात या गर्दनमा हल्का सुइले घोचेकोजस्तो दुखाइ पनि हुनसक्छ । यो समस्या गम्भीर हुनसक्छ । यसको प्रमुख कारण गलत तरिकाले ब्रा लगाउनु नै हो । 

६) छातीसँग जोडिएको दुखाइ प्रायस् गरेर कसेर लगाइने ब्रासँग सम्बन्धित छ ।

७ ) गलत साइजको ब्रा लगाउँदा पेटलाई पनि खराब गर्छ । कसेर लगाइने ब्राले डायफ्रममा दबाब पर्छ र पाचन प्रणाली सहज नहुँदा पेटमा असर गर्दछ ।

८) गलत तरिकाले ब्रा लगाएर बस्दा गर्दन तलतिर झुक्छ र धेरै प्रकारका समस्या देखिन्छन् । जसले दिर्घकालिन असर पुर्याउन सक्छ ।

–एजेन्सी