Date:2017/12/14 |Thursday

सहकारीले करदाता उत्पादन गरिरहेका छन्

Posted on: December 03, 2017 | views: 189 |

अर्जुन खनाल  (अध्यक्ष त्रिपल एम बचत तथा ऋण सहकारी संस्था)

सहकारी क्षेत्रका कमीकमजोरीलाई सुधारलाई सुधार्दै सरकारीमार्फत लगानी विस्तार गर्ने उद्देश्यका साथ सरकारले नयाँ सहकारी ऐन जारी गरेको छ । लामो प्रतिक्षापछि प्राप्त ऐनले एकातिर सहकारीकर्मीलाई उत्साहित बनाएको छ भने अर्कोतिर संसकित पनि बनाएको देखिएको छ । सहकारीकर्मीले नयाँ तुलनात्मकरुपमा राम्रो भएपनि ऐनमा अझै पनि नियन्त्रणमुखी प्रावधान रहेको भन्दै आपत्ति जनाएका छन् । नियन्त्रमुखी प्रावधान संसोधन हुनुपर्ने उनीहरुको माग छ । त्यसो त नयाँ ऐन जारी भएपनि नीतिगत समस्याका कारण कार्यान्वयनमा भने आइसकेको छैन । अर्को कुरा, सरकारले अधिकांस अधिकार स्थानीय तहमा हस्तान्तरण गरेको सन्दर्भमा सहकारी कुन निकायको नियन्त्रण रहने भन्ने अन्यौल पनि सिर्जना भएको सहकारीकर्मीले गुनासो गरेका छन् । त्यसो त कमीकमजोरीका बाबजुद पनि नयाँ सहकारी ऐनले सहकारीलाई लगानीका लागि मार्गप्रसस्त गरेकोमा भने सहकारीकर्मीले खुशी व्यक्त गरेका छन् । त्रिपल एम बचत तथा ऋण सहकारी संस्थाका अध्यक्ष नयाँ सहकारी ऐनमा कमी कमजोरी रहे पनि ऐन सकारात्मक रहेको बताउँछन् । तर ऐनमा रहेका कमी कमजोरीलाई पनि सुधार गर्नुपर्नेमा उनको जोड रहेको छ । 

त्रिपल एम बचत तथा ऋण सहकारी संस्थाले कहिले स्थापना भएको हो ?

यो सहकारी संस्था २०६६ सालमा स्थापना भएको हो । काठमाडौं महानगरपालिका वडा नम्बर ६,७,३३, ३१ र २४ लाइ कार्यक्षेत्र बनाएर स्थापना भएको यो सरकारीलाई हामीले  ३ लाख सेयर पूँजीबाट सुरु गरेका थियौं, अहिले झण्डै ११ करोडको कारोबर गर्ने अवस्थामा पुगेका छौं । सदस्यहरुमा बचतका लागि उत्पे्रेरित गर्न हामीले सहकारीमार्फत वित्तीय साक्षरता कार्यक्रम पनि सञ्चालन गर्दै आएका छौं । हालसम्म सेयर सदस्य संख्या करिब ६६७ सय पुगिसकेको छ ।

कुन क्षेत्रमा लगानी गर्नु भएको छ ?

खासगरी हाम्रो लगानी तल्लोवर्गका निमुख, विपन्न वेरोजगार युवाहरुलाई स्वरोजगार बनाउन केन्द्रित रहेको छ । सीप, श्रम र जाँगर भएका युवाहरुले व्यवसाय सञ्चालन गर्ने पूँजी पाइरहेका हुँदैनन् । उनीहरुलाई जागिरको सल्लाह दिँदैनौं, स्वरोजगार वन्ने सल्लाह दिन्छौं । उनीहरुलाई स्वरोजगार वन्न पूँजी उपलव्ध गराउँछौं ।

त्यस्तो स्वरोजगारकै लागि सहकारीबाट ऋण लिने युवाहरु चाहिँ कति छन् ?

झण्डै ४ सय ५० जना वेरोजगार युवालाई हामीले ऋण उपलव्ध गराएर स्वरोजगार बनाइसकेका छौं । वास्तवमा हामीले उत्पादनशील क्षेत्रमै लगानी गरिरहेको अवस्था छ ।

व्यवसायका लागि सबैभन्दा बढी कति ऋण लगानी गर्नुभएको छ ?

सहकारीमा क्षमताअनुसारको सिलिङ हुन्छ, सोही सिलिङभित्र रहेर हामीले बढीमा १५ लाख रुपैयाँसम्म लगानी गरेका छौं । कतिपयले घर निर्माण कर्जा लिने गरेका छन् । घर निर्माणका लागि सानो पूँजीको अर्थ नरहने भएकोले बढी लगानी गर्नुपर्ने वाध्यता रहेको छ ।

सहकारीले अनुत्पादक क्षेत्रमा बढी लगानी गरेको गुनासो छ नि ?

हाम्रो चाहना उत्पादनमूलक क्षेत्रमै लगानी गर्ने हो किनभने अनुत्पादक क्षेत्रमा गरेको लगानी सुरक्षित हुँदैन तर नेपालको शिक्षा नीतिले सीपमूलक जनशक्ति नै उत्पादन गर्न सकेको छैन । यहाँ शिक्षित जनशक्ति छ तर हातमा सीप छैन, त्यस्तो जनशक्तिलाई हामीले व्यवसायिक तालिमका लागि सल्लाह दिने गरेका छौं । तालिमपछि उनीहरुलाई व्यवसायका लागि ऋण दिने गरेका छौं ।

सहकारीको व्यवस्थापन र प्रवद्र्धनका लागि सरकारले के गर्नुपर्छ ?

हालै मात्र  नयाँ सहकारी ऐन आएको छ, नयाँ ऐनमा रहेका केही कमी कमजोरीका बाबजुद पनि सहकारी क्षेत्र उत्साहित बनेको छ । ऐन कतिपय विषयमा अझै पनि नियन्त्रणमुखी देखिएको छ । जसलाई सरकारले महशुस गरिसकेको छ । यस्ता नियन्त्रणमुखी व्यवस्था संसोधन हुनुपर्छ । अर्को कुरा सहकारीलाई कर लगाउने विषय पनि न्यायोचित छैन । सरकारले करदाता उत्पादन गरिरहेका छन् । सरकारले सहकारीमार्फत करदाता उत्पादन गर्ने कुरालाई प्रोत्साहित गर्नुपर्छ ।


Share your thoughts!


इम्प्रेसन पब्लिकेसन एण्ड मिडिया प्रा.लि.द्वारा सञ्चालित
केन्द्रीय कार्यालय – मध्यबानेश्वर काठमाडौं