Date:2017/10/17 |Tuesday

क्यान्सर पीडितलाई प्रवासबाट आर्थिक सहयोग

Posted on: April 12, 2017 | views: 154 |

काठमाडौँ । क्यान्सर पीडित परिचारिका (नर्स) सकुनी श्रेष्ठलाई विदेशमा बस्ने नेपालीले आर्थिक सहयोग गरेका छन् । 

बुधबार स्वास्थ्य मन्त्रालयलमा स्वास्थ्यमन्त्री गगनकुमार थापामार्फत बहराइनस्थित बृहत् नेपाली समाजले सङ्कलन गरेको रु ९५ हजार २८ को चेक पीडित श्रेष्ठलाई हस्तान्तरण गरिएको हो । 

स्वास्थ्यमन्त्री थापाले सरकारले क्यान्सरमा सहयोग गर्दै आएको रु एक लाख रकमलाई बढाएर पाँच लाख पु¥याउनका लागि छलफल भइरहेको बताए । 

क्यान्सरको बिरामी नेपालमा दिनप्रतिदिन बढ्दै गएकाले यसको रोकथाम, उपचार, औषधिको सहज उपलब्ध गराउनुका साथै राजधानी बाहिर पनि क्यान्सरको उपचारका लागि नेपालगन्ज क्यान्सर अस्पताल खोल्न र कोसी अञ्चल अस्पतालमा सेवा सुरु गर्न लागिएको जानकारी दिए । 

समाजका सल्लाहकार सन्तोष शाहले पीडितका बारेमा सञ्चारमाध्यममा समाचार आएपछि बिरामीका लागि बहराइनमा बस्ने नेपाली, सङ्घसंस्थाबाट आर्थिक सङ्कलन गरिएको जानकारी गराए । 

पीडित श्रेष्ठले सरकारले क्यान्सर पीडितका लागि दिने आर्थिक सहयोग बढाउनुपर्ने र सरकारी क्यान्सर अस्पतालका सेवा सुविधा बढाउन आग्रह गरिन् । पेटको क्यान्सर पीडित श्रेष्ठ पाटन अस्पातलका स्थायी नर्स हुन् । रासस


Share your thoughts!


इम्प्रेसन पब्लिकेसन एण्ड मिडिया प्रा.लि.द्वारा सञ्चालित
केन्द्रीय कार्यालय – मध्यबानेश्वर काठमाडौं