8th July | 2020 | Wednesday | 7:51:57 AM

पर्यटनमन्त्रीबाट मन्त्रालयमा छड्के

हिमालय टाइम्स   POSTED ON : असार १६, २०७७ (७:३३ PM)

पर्यटनमन्त्रीबाट मन्त्रालयमा छड्के

काठमाडौँ । संस्कृति पर्यटन तथा नागरिक उड्डयन मन्त्री योगेश भट्टराईले मन्त्रालयमा छड्के निरीक्षण गर्नु भएको छ ।  मन्त्री भट्टराईले आफु मातहत रहेको संस्कृति पर्यटन तथा नागरिक उड्डयन मन्त्रालयको विभिन्न शाखाहरुमा मंगलवार छड्के निरीक्षण गर्नु भएको हो । 

निरीक्षणको क्रममा केही शाखामा कर्मचारीहरुको अनुपस्थिति रहेकोे पाईएपछि मन्त्री भट्टराईले कर्मचारी महाशाखाका प्रमुख रुद्रसिंह तामाङलाई कर्मचारी के कारणले उपस्थित हुन नसकेको हो सो बुझि कर्मचारी नियमित रुपमा कार्यालय समयमा उपस्थिति हुने ब्यवस्था मिलाउन निर्देशन दिनुभयो । मन्त्री भट्टराईले कार्यालयको सरसफाई र कार्यालयको लेआउटमा समेत  ध्यान दिन कर्मचारीहरुलाई आग्रह गर्नुभयो । 

नेपाल सरकारको मन्त्री परिषदको निर्णय बमोजिम कार्यालय दुई सिफ्टमा सञ्चालन गर्न आवश्यक तयारी गर्नका लागि पनि मन्त्री भट्टराईले विभिन्न शाखाका प्रमुखलाई निर्देशन दिनुभएको छ । निरीक्षण पछि मन्त्री भट्टराईले पर्यटन मन्त्रालय मातहतमा रहेका सवै कार्यालयको क्रमैसँग निरीक्षण गर्ने बताउनुभयो । 


Views: 39