22nd February | 2018 | Thursday | 12:56:35 PM

७ विकेटले सिंगापुरलाई हराउँदै नेपाल सेमिफाइनल प्रवेश

  POSTED ON : Thursday, 14 September, 2017 (1:32:36 PM)

७ विकेटले सिंगापुरलाई हराउँदै नेपाल सेमिफाइनल प्रवेश

हिमालय टाइम्स । नेपालले मलेसियामा जारी एसिसी यू १९ क्रिकेट प्रतियोगिता अन्तर्गत लगातार तेस्रो जित निकालेको छ ।
नेपाली युवा टोलीले आज समूह चरणको अन्तिम खेलमा सिंगापुरलाई ७ विकेटले हराएको हो। अन्तिम चारमा यसअघि नै पुगेको नेपाल यो जितपछि समूह विजेता बनेको छ । सिंगापुर पनि यसअघि नै अघिल्लो चरण पुगिसकेको छ ।
६८ रनको लक्ष्य पछ्याएको नेपालले १३.४ ओभरमा ३ विकेट गुमाएर जित हासिल गरेको थियो । नेपालका लागि ओपनर सन्दीप सुनारले २०, अनिलकुमार शाहले १८ रन जोडे । अर्का ओपनर आसिफ शेख ६ रनमा आउट भए । सुमित महर्जन १० र सन्दीप जोरा ७ रनमा अविजित रहँदा नेपालले जित हासिल गरेको थियो । आसिफ र अनिलको विकेट अभि दिक्षितले लिएका थिए ।