धनुषाको जनकनन्दनीमा जसपा र धनौजीमा कांग्रेस विजयी

Read Time = 2 mins
A A- A+

-पुरन साह
जनकपुरधाम । धनुषामा जसपा नेपाल र नेपाली कांग्रेसले खाता विजयी सुरुवात गरेको छ । जिल्लाको १८ पालिका मध्ये जनकनन्दनी गाँउपालिकाको अध्यक्षमा जित्दै जनता समाजवादी पार्टी ९जसपा०ले खाता खोलेको छ ।

अध्यक्षमा जसपाका दिपिन देव यादव निर्वाचित हुनुभएको छ । त्यसै गरि उपाध्यक्षमा भने नेपाली कांग्रेसकी कमला सहगल निर्वाचित हुनुभएको छ ।

अध्यक्ष जितेका यादव आफ्ना निकटतम प्रतिद्वन्द्वी नेपाली कांग्रेसका सुदेश कुमार चौधरीलाई ४८९ मतान्तरले पराजित गर्दै विजयी हुनुभएको हो । यादवले ३ हजार १९७ मत ल्याउँदा उहाँका निकटतम प्रतिद्वन्द्वी चौधरीले २ हजार ७०८ मत पाउनुभएको छ ।

यता, धनौजी गाँउपालिकामा लोसपा वा नेकपा एकीकृत समाजवादी जित्ने चर्चाका बीच पुनः नेपाली कांग्रेसले बाजी मारेको छ । कांग्रेसका राजकुमार साह अध्यक्षमा निर्वाचित हुनुभएको छ भने उपाध्यक्षमा पनि कांग्रेसकै रामवती मण्डल निर्वाचित हुनुभएको छ। उहाँहरुको आधिकारिक घोषणा हुन भने वाँकी छ । उपाध्यक्षमा जित्नुभएका मण्डलको लगातार यो दोस्रो कार्यकालको लागि जित हो ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?