मुम्बई । यही जेठ १४ गते काठमाडौंको दशरथ रंगशालामा हुन गइरहेको ‘दबंग टुर रिलोडेड’मा बलिउडमा थुप्रै कलाकारहरूको सहभागिता रहनेछ । बलिउड स्टार सलमान खानसहित अन्य कलाकारको प्रस्तुति रहने भनिएको कन्सर्टमा बलिउड अभिनेत्री ज्याकलिन फर्नान्डिजको पनि नाम थियो तर ज्याकलिन नआउने हुनुभएको छ ।
उहाँले विदेश यात्राको अनुमति माग्दै अदालतमा दायर निवेदनलाई बुधबार फिर्ता लिनुभएको छ । मनी लाउन्ड्रिङ केसमा मुछिनुभएकी उहाँले नेपाल, आबुधाबी र फ्रान्स यात्रामा जान अनुमतिका लागि दिल्ली अदालतमा निवेदन पेश गर्नुभएको थियो । उहाँको केसको सुनुवाइ भए पनि अदालतबाट केही आदेश नआएपछि उहाँले आफैँ निवेदन फिर्ता लिनुभएको हो ।
आयोजकहरूले ज्याकलिनको तस्बिर राख्दै दबंग टुरको प्रचार गरिरहेको देखिन्छ । अब ज्याकलिनको ठाउँमा दक्षिण भारतीय अभिनेत्री पूजा हेगडे आउने बताइएको छ ।
ठगी मुद्दामा पक्राउ परेका सुकेशचन्द्र शेखरसँग सम्बन्ध भएको भन्दै उहाँलाई प्रवर्तन निर्देशनालय (इडी)ले देश छोडेर जान रोक लगाएको थियो । केही दिन अगाडि इडीले उहाँको सात करोड २७ लाख भारतीय रुपैयाँको सम्पत्तिसमेत जफत गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच