पाण्डेको निर्देशनमा ‘मानिस ठूलो दिलले हुन्छ’

Read Time = 2 mins
A A- A+

काठमाडौं । देवेन्द्र पाण्डेको निर्देशनमा चलचित्र ‘मानिस ठूलो दिलले हुन्छ’ को छायांकन सुरु भएको छ । बुधबार काठमाडौंको धर्मस्थलीबाट चलचित्रको छायांकन सुरु भएको हो । सौरपानी मिडिया प्रालिको व्यानरमा निर्माण बन्न लागेको यो चलचित्रमा अविनास न्यौपाने, सिर्या कार्की, मोहन निरौला, उत्तम केसी, सरु सुनुवार, शुभम् आचार्य र सविना न्यौपाने लगायतको अभिनय रहनेछ ।

निर्माता मनु नेपाली पनेरुले चलचित्रमा बच्चादेखि नै भिन्न जातिका दुईजना बालबालिका एक आपसमा धेरै नजिक हुने र पछि छुट्ने तर एक दोहोरीमा अचानक भेट हुने सुखद् कहानी रहेको बताउनुभयो । उहाँले यो चलचित्रको नाम मुनामदनबाट प्रेरित भएको तर मुनमदनका कथावस्तु नरहने पनि जानकारी गराउनुभयो ।

चलचित्र सामाजिक विषयवस्तुमा निर्माण गर्न लागेको निर्देशक पाण्डले बताउनुभयो । पाण्डेले यस अगाडि दुई चलचित्र र थुप्रै म्युजिक भिडियो निर्देशन गरिसक्नु भएको छ । चलचित्रमा उत्सव दाहालको छायांकन र विकास दाहालको सम्पादन रहनेछ ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?