-संजीवकुमार मिश्रा
बारा । भारतको आदापुरमा जुत्ता खरीद गर्न गएका एक नेपाली युवकलाई भारतीय एसएसबीले नियन्त्रणमा लिएर मंगलवार निर्घात कुटपिट गरेका छन ।
भाईको बिहेमा सरिक हुन जुत्ता खरीद गर्न जानुभएका कलैया उपमहानगरपालिका– १० मटिअर्वाका १६ वर्षीय सजिल मियाँलाई नियन्त्रणमा लिएर भारतीय एसएसवीले निर्घात कुटपिट गरेका हुन ।
एसएसबीको कुटाईबाट घाईते हुनुभएका मियाँको कलैया अस्पतालमा उपचार भईरहेको जिल्ला प्रहरी कार्यालय बाराले जनाएको छ ।
भारतीय सिमा क्षेत्रमा तस्करसँग एसएसबीको विवाद भएको मटिअर्वाका स्थानीयहरूले बताएका छन् । तस्करीको मालसामान बरामद गर्ने क्रममा तस्करहरूले अवरोध पुर्याएपछि एसएसबीले लाठी चार्ज गरेका थिए ।
एसएसबीले लाठी चार्ज गरिरहेको बेला घटनास्थलमा पुग्नुभएका मियाले आफ्नो मोबाईल खल्ती बाहिर निकाल्नु भएको थियो । लाठी चार्जको भिडियो मोबाईलबाट खिचेको आशंकामा एसएसबीले मियाँलाई नियन्त्रणमा लिएर कुटपिट गरेको प्रत्यक्षदर्शीले बताएका छन् ।
घटनापछि आक्रोशित मटिअर्वावासीले मटिअर्वा भन्सार नजिकैबाट भारतीय एसएसबी तथा बिहार पुलिसमाथि केहीबेर ढुंगामुढा गरेका थिए । सोही क्रममा बाराको महागढीमाई मन्दिरमा दर्शन गरेर फर्किदै गरेका एक भारतिीय सुरक्षाअधिकारीको सरकारी गाडीमा आक्रोशित मटिअर्वावासीले तोडफोड गर्ने प्रयास गरेका थिए ।
घटनास्थलमा तत्कालै पुगेको सशस्त्र प्रहरी र नेपाल प्रहरीको संयुक्त टोलीले भारतिय प्रहरीको गाडी तथा त्यसमा सवार भारतीय सुरक्षाअधिकारीको परिवारलाई जोगाएका थिए ।
Like
Love
Happy
Surprised
Sad
Excited
Angry
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र
काठमाडौंमा ठूलो परिमाणमा नक्कली दूध