-चन्द्रकान्त खनाल
रुपन्देही । बुटवल उपमहानगरपालिकाको नगर सभा असार ८ गते बस्ने भएको छ । आज बसेको नगर कार्यपालिकाको पहिलो बैठकले उपमहानगरपालिकाको नगर सभा असार ८ गते बस्ने निर्णय गरेको नगर प्रमुख खेलराज पाण्डेले बताउनु भयो ।
बैठकले बुटवल वडा नम्बर ११ को वडा कार्यालय परिषर देवीनगरको उत्तरतर्फ नेपाली कांग्रेसका नेता स्व. वीपी कोईराला र नेपाल कम्युनिष्ट पार्टीका संस्थापक अध्यक्ष पुष्पलाल श्रेष्ठको स्मृर्तिमा पार्क बनाउने निर्णय गरेको छ । बुटवल उपमहानगरपालिकाले पत्रकार सम्मेलन गरि बैठकको निर्णय सार्वजनिक गरेको हो ।
पत्रकार सम्मेलनमा बोल्दै बुटवल उपमहानगरपालिकाका नगर प्रमुख खेलराज पाण्डेयले पहिलो बैठकले बुटवल उपमहानगरको ११ नम्बर वडा कार्यालय रहेको खाली स्थानमा बिपी पुष्पलाल पार्क निर्माण गर्ने निर्णय गरेको बताउनु भयो । उहाँले उपमहानगर भित्र रहेका करिव १६ हजार भुमिहिन सुकुम्बासीहरुलाई बसोबासको निस्सा दिने निर्णय गरेको बताउँदै पाण्डेले उपमहानगरको नवनिर्मित प्रशासनिक भवनको सरसफाई पुरानो प्रविधिबाट असम्भव देखिएको भन्दै भवन सरसफाईका लागि टेण्डर प्रक्रियाबाट कार्य अगाडि बढाउने निर्णय भएको पनि बताउनु भयो।
उहाँले आफ्नो प्रतिवद्धता अनुरुप ज्योतिनगरको पहिरो नियन्त्रणको काम सुरु भइसकेको बताउँदै पाल्पाको बाटो हुँदै पहिरो पन्छाउने काम थालिएको र पानीको बहाव सिद्धबाबा तर्फ फर्काउने काम भइरहेको जानकारी दिनु भयो।
११ वटा उपसमिति गठनः
बैठकले उपमहानगरका बिभिन्न विषयमा ११ वटा उपसमिति गठन गरेको नगर प्रमुख पाण्डेले बताउनु भयो ।
बैठकबाट सार्वजनिक सेवा तथा क्षमता विकास उपसमिति संयोजकमा पदम गाहा, सामाजिक विकास उपसमिति संयोजकमा प्रदिप श्रेष्ठ, आर्थिक विकास उपसमिति संयोजकमा डिल्ली शर्मा आचार्य, पूर्वाधार विकास समितिमा नारायणसिंह पुन, वातावरण तथा विपद व्यवस्थापन संयोजकमा रामचन्द्र क्षत्री, बिधेयक समिति संयोजकमा नरेन्द्र बस्नेत, उपप्रमुख संयोजक रहेको राजश्व परामर्श समिति सदस्यहरुमा नरेश्वर पौडेल र बसन्ती विक, जाँचपास तथा फरफारक समिति संयोजकमा हरि श्रेष्ठलाई चयन हुनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच