-कृष्ण बिष्ट
बतडी । बैतडीको पाटन विमानस्थलमा दुई महिनादेखि जहाज चल्न सकेका छैन । लुक्ला र जोमसोतिर पर्यटकहरूको घुईचो हुने गरेका कारण पाटन धनगढी विमान सञ्चालनमा नआएको पाटन विमानस्थलका एयर ट्राफिक कन्ट्रोलर चेतराज भट्टले जानकारी दिनुभयो ।
समिट एयरले पर्यटकीय क्षेत्रहरूमा बढी उडान भरिरहेको हुनाले पाटन आउन नसकेको उहाँले बताउनुभयो । ‘लुक्ला जोमसोमतिर पर्यटकहरूको भिडभाड छ, बढीजसो फ्लाईट उतै भईरहेको छ ।’ एयर ट्राफिक कन्ट्रोलर भट्टले भन्नुभयो, ‘एक दुई हप्तापछि आउने भन्ने कुरो छ ।’
गत चैत १० गते उडान भरेको समिट एयरका जहाज त्यसपछि नआएको समिट एयर बैतडीका सम्पर्क ब्यक्ति कृष्ण दत्त भट्टले जानकारी दिनुभयो । हरेक साताको बिहीबार धनगढी-पाटन र पाटन-धनगढी सञ्चालनमा आउने गरेको थियो ।
यता, धनगढी विमानस्थलले भने अबको दुई हप्तापछि विमान नियमित सञ्चालनमा आउने जनाएको छ । पाटनमा सुरुदेखि नै समिट एयरले उडान भर्दै आएको छ । यात्रुहरूका अनुसार भाडा पनि बढी भएको गुनासो आउने गरेको छ ।
Like
Love
Happy
Surprised
Sad
Excited
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र