जुम्ला । जुम्लाको तिला गाउँपालिकासँगको सहकार्यमा तिला जलविद्युत आयोजनाको निर्माण कार्य सुरु भएको छ ।
११ करोड रुपैयाँ लगानीमा आयोजनाको निर्माण कार्य सुरु भएको हो । आयोजना निर्माणको अगुवाई नेकपा (माओवादी केन्द्र) का प्रतिनिधिसभा सदस्य गजेन्द्रबहादुर महतले गर्नुभएको छ ।
उहाँले टुक्रे योजनाभन्दा पनि महत्वपूर्ण विकासे संरचना निर्माणमा ध्यान दिइएको बताउनुभयो ।
उहाँले भन्नुभयो, ‘यो तिला गाउँपालिकासँग सहकार्य गरेपछि खर्च र आम्दानी तिला गाउँपालिकाकै हुन्छ । त्यही भएर आयोजनासँग गाउँपालिकाको अपनत्व बढी हुनुपर्छ’, बुधबार पत्रकार सम्मेलन गर्दै सांसद महतले बताउनुभयो ।
उहाँले आयोजना निर्माणको खर्च सबै गाउँपालिकामार्फत भएकाले आर्थिक विषयमा आफू संलग्न नभएको पनि प्रष्ट पार्नुभयो।
आयोजना निर्माणमा आवश्यक मेसिन भने चीनदेखि ल्याइने भएको छ । जसका कारण निर्माण कार्य ढिलाइ भएको महतको भनाइ छ । तर, पनि आयोजना बन्ने उहाले दाबी गर्नुभयो ।
‘मेरो केही कमजोरी थियो भने ठोस योजनामा सर्ब लगानी गर्नुथियो तर बनेर छोड्छ आयोजना । गाउँपालिकाले बनाउनु राम्रो हुन्छ । किनकि गाउँपालिकाले बनाउँछु भनेर हस्ताक्षरसमेत गरेको छ’, महतले भन्नुभयो ।
आयोजना एक मेघावाटको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच