बागलुङ । जिल्ला समन्वय समिति बागलुङको प्रमुखमा गठबन्धनबाट राष्ट्रिय जनमोर्चाका अमर थापा चयन हुनु भएको छ । थापासहित उपप्रमुखमा होमनाथ शर्मा र सदस्यहरु पनि गठबन्धनकै उम्मेदवारहरु सर्वसम्मत चयन हुनुभयो ।
निर्वाचन कार्यतालिका अनुसार बिहीबार दुई बजेसम्म सत्ता गठबन्धनका उम्मेदवारबाहेक कसैको पनि उम्मेदवारी नपरेका कारण प्रमुख र उपप्रमुखसहित ९ जना सदस्य सर्वसम्मत चयन भएको सहायक निर्वाचन अधिकृत गंगाधर सापकोटाले जानकारी दिनुभयो ।
राष्ट्रिय जनमोर्चाको तर्फबाट उमेद्वारी दिएका थापा र नेपाली कांग्रेसको तर्फबाट उम्मेद्वारी दिएका शर्मासहित जिल्ला समन्वय समितिमा तीन दलको सहभागिता छ । सदस्यहरुमा महिला सदस्य नेपाली कांग्रेसको तर्फबाट उम्मेद्वारी दिनुभएकी हरिकला पौडेल, एकीकृत समाजवादीको तर्फबाट उम्मेद्वारी दिनुभएकी जसोधा शर्मा र राष्ट्रिय जनमोर्चाबाट उम्मेद्वारी दिनुभएकी धनकुमारी खत्री सर्वसम्मत चयन हुनु भयो ।
अल्पसंख्यक दलित सदस्यतर्फ नेपाली कांग्रेसबाट उम्मेद्वार बन्नुभएकी कौशीला विक निर्वाचित हुँदा खुल्ला सदस्यतर्फ माओवादी केन्द्रका तर्फबाट हर्कबहादुर पाण्डे, कांग्रेसबाट टेक बहादुर अर्गेजा र पदम बहादुर क्षेत्री सर्वसम्मत निर्वाचित हुनुभयो ।
मुख्य निर्वाचन अधिकृतको कार्यालयले सर्वसम्मत चयन भएका सबैलाई निर्वाचनका प्रकृया पूरा गरेर घोषणाको तयारी गरिरहेको सापकोटाले बताउनु भयो । बागलुङमा एउटा मात्रै प्रमुख जितेको नेकपा एमालेले कुनैपनि पदमा उम्मेद्वारी नदिएपछि सत्ता गठबन्धनमा रहेका दलहरुका बिचमा भएको सहमति अनुसार उम्मेद्वारी दिएका सबै सर्वसम्मत निर्वाचित भएका हुन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर