-कृष्ण बिष्ट
बैतडी । बैतडीका तीन स्थानीय तहमा खोरेत रोग फैलिएको छ । एक महिना पहिले पाटन नगरपालिका-५ मा फेला परेको खोरेत रोग अहिले मेलौली नगरपालिका र पञ्चेश्वर गाउँपालिकामा पनि रोग देखिएको हो ।
मेलौली नगरपालिका-२, पञ्चेश्वर गाउँपालिका–५ र पाटन नगरपालिका–५ मा खोरेत रोग फैलिएको पशु सेवा विज्ञ केन्द्र पाटनका प्रमुख गुमानीदत्त पन्तले जानकारी दिनुभयो ।
खोरेत रोग फैलिएको ठाउँहरूमा रोग बिरुद्धको भ्याक्सिन पठाएर पशुहरूमा लगाउन सुरु गरिएको पनि उहाँले बताउनुभयो । मेलौली र पञ्चेश्वरमा पाँच सय भन्दा बढी पशुहरूलाई खोरेत बिरुद्धको खोप लगाउने कार्यक्रम रहेको उहाँले बताउनुभयो ।
एक महिना पहिले पाटन नगरपालिका-५ का पशुहरूमा खोरेत रोग फेला परेको थियो । पाटन ६ मा मात्रै दुई दर्जन पशुचौपाया मरेको पाटन नगरपालिकाका उपप्रमुख कमल बोहराले जानकारी दिनुभयो । उक्त वडामा अझैपनि रोग नियन्त्रणमा नआएको वडा अध्यक्ष फुनि सिंह बोहराले बताउनुभयो ।
आहारा नखाने, र्याल चुहाईरहने, खुट्टाका खूरहरू फाट्ने, १०४ डिग्री भन्दा बढी ज्वरो आउने लगायतका लक्षणहरू देखिने गरेको पशु प्राबिधिकहरूले जनाएका छन् ।
खोरेत रोगका कारण पशुहरूमा महामारी नै फैलने भएकाले समयमै ध्यान दिनुपर्ने पशु चिकित्सकहरूले सुझाएका छन् । रोग लागिसकेपछि निको हुने सम्भावना कम हुने गरेकाले गोठहरू सफा राख्ने, सरसफाईमा विशेष ध्यान दिन किसानहरूलाई चिकित्सकले सुझाव दिएका छन् ।
Like
Love
Happy
Surprised
Sad
Excited
Angry
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र
काठमाडौंमा ठूलो परिमाणमा नक्कली दूध