-शुभाकर विश्वकर्मा
नेपालगञ्ज । बाँकेमा पछिल्लो एकसाता यता अध्यधिक गर्मी बढेपछि शैक्षिक संस्था बन्द गरिएको छ । अध्यधिक गर्मीका कारण विद्यार्थीहरूलाई पठनपाठनमा समस्या भएपछि शैक्षिक संस्था बन्द गरिएको हो ।
जिल्लाका आठ स्थानीय तह मध्ये तीन वटा पालिकाले बिहीबार एकैदिन शैक्षिक संस्था बन्द गर्ने निर्णय गरेका हुन् । जिल्लाको एकमात्र नेपालगन्ज उपमहानगरपालिका, कोहलपुर नगरपालिका र खजुरा गाउँपालिकाले शैक्षिक संस्थामा पढाइ बन्द गर्ने निर्णय गरेका हुन् ।
शिक्षा युवा तथा खेलकुद शाखा खजुराद्धारा जारी विज्ञप्तिमा पछिल्लो एक सातादेखि अध्यधिक गर्मी बढेपछि विद्यार्थीको पठनपाठनमा समस्या भएपछि शैक्षिक संस्था पाँच दिनसम्म बन्द गर्ने निर्णय गरिएको उल्लेख छ ।
खजुरामा सबै शैक्षिक संस्था २७ गतेदिख जेठ ३१ गतेसम्म बन्द हुनेछन् । पूर्वनिर्धारित परीक्षा र अन्य प्रशासनिक कार्यका लागि भने शाखा खुल्ला नै रहन र अन्य प्रशासनिक कार्यका लागि भने शाखा खुल्ला नै रहनेछ ।
यस्तै नेपालगञ्ज उपमहानगरपालिकाले समेत पाँच दिनसम्मका लागि सम्पूर्ण विद्यालय बन्द गर्ने निर्णय गरेको हो ।
कोहलपुर नगर शिक्षाका शाखाका प्रमुख रविलाल मिजारले बाँकेमा गर्मीका कारण पठनपाठनमा समस्या भइरहेको गुनासो र केही दिनका लागि विद्यालय नै बन्द गर्नुपर्ने सुझावका आधारमा शैक्षिक संस्था बन्द गर्ने निर्णय गरिएको बताउनुभयो ।
उहाँका अनुसार कोहलपुरमा पाँच दिन विद्यालय बन्द हुनेछन् । ‘कोहलपुरमा विद्यालय बन्द गर्ने निर्णय गरिएको छ । पहिलोचरणमा पाँच दिन विद्यालय बन्द हुन्छन् । त्यसपछि अवस्था हेरेर फेरि निर्णय हुन्छ’, उहाँले भन्नुभयो । बाँकेका अन्य पालिकाहरूले समेत विद्यालय बन्द गर्ने तयारी गरिरहेका जनाएका छन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच