तीन प्रदेश छाडेर आज बाँकी प्रदेशमा वर्षा हुने

हिमालय टाइम्स
Read Time = 2 mins
A A- A+

काठमाडौं । २२ जेठमा पूर्वी नेपालबाट प्रवेश गरेको मनसुनी वायु देशभर फैलने क्रममा छ। काठमाडौं उपत्यकामा पनि नियमित वर्षा भइरहेको छ।

यसैक्रममा आज पनि साँझ पख काठमाडौं उपत्यकामा क्षणिक बर्षा हुने संभावना रहेको जल तथा मौसम विज्ञान विभागले जनाएको छ।

यस्तै शनिबार देशका अन्य विभिन्न स्थानमा पनि बर्षा हुने सम्भावना रहेको विभागले जनाएको छ।

बिहान प्रदेश १ र मधेस प्रदेशका एक/दुई स्थानहरूमा मेघगर्जन/ चट्याङसहित हल्का वर्षा भइरहेको विभागले जनाएको छ।

यस्तै महशाखाले आज दिनभर प्रदेश १, बागमती र गण्डकी प्रदेशका केही स्थानहरूमा मेघ गर्जन र चट्याङसहित हल्कादेखि मध्यम वर्षा तथा मधेश प्रदेश र अन्य प्रदेशका पहाडी भू-भागहरूका थोरै स्थानहरूमा मेघ गर्जन र चट्याङसहित हल्कादेखि मध्यम वर्षाको सम्भावना रहेको हुनाले आवश्यक सतर्कता अपनाउन अनुरोध गरेको छ।

विभागका अनुसार प्रदेश १, मधेश, बागमती र गण्डकी प्रदेशका भू-भागमा मनसुनी वायुको सामान्य प्रभाव र अन्य प्रदेशका भू-भागमा स्थानीय वायुको तथा भारतको उत्तर प्रदेश र विहारमा रहेको पूर्व-पश्चिमी न्यून चापीय रेखाको प्रभाव रहेको छ।

आज राति पनि प्रदेश १, मधेश , बागमती र गण्डकी प्रदेशका पहाडी भू-भागहरूमा आंशिकदेखि सामान्य बदली तथा बाँकी भू-भागमा आंशिक बदलीदेखि मौसम सामान्यतया सफा रहने विभागको भनाइ छ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?