भोजपुर । भोजपुरमा खुकुरी प्रहार गरी फरार रहेका चार जनालाई प्रहरीले पक्राउ गरेको छ ।
उनीहरुले जेठ २५ गते राति सवा नौ बजेतिर जिल्लाको रामप्रसादराई गाउँपालिका वडा नम्वर ४ दलगाउँका ७८ बर्षिय तेजबहादुर भुजेललाई आफनै घरमा खुकुरी प्रहार गरी घाइते बनाएर फरार रहेको अवस्थामा पक्राउ गरिएको भोजपुर प्रहरीले जनाएको छ ।
जिल्ला प्रहरी कार्यालय भोजपुरका सुचना अधिकारी प्रहरी निरीक्षक नितेशकुमार सिंहले प्रेस विज्ञप्ति निकाल्दै घटना विवरण सार्वजनिक गर्नु भएको छ । भुजेललाई खुकुरी प्रहार गरी गम्भीर घाइते बनाएर फरार रहेका रामप्रसादराई गाउँंपालिका वडा नम्वर २, बाखोराका ४२ बर्षिय राजेन्द्र भुजेल, वडा नम्वर २, धोदलेखानीका ३२ बर्षिय देउराज राई, वडा नम्वर ४, दलगाउँका २४ बर्षिय पुर्ण कुमार राई र सोही वडाका २२ बर्षका सरोज कटुवाललाई प्रहरीले पक्राउ गरी अनुसन्धान सुरु गरेको सुचना अधिकारी प्रहरी निरीक्षक सिंहले जानकारी दिनुभयो ।
पक्राउ परेका चारै जनालाई भोजपुर जिल्ला अदालतवाट ५ दिन म्याद थप भई ज्यान मार्ने उद्योग कसूर अन्तर्गत अनुसन्धान कार्य भई रहेको जिल्ला प्रहरी कार्यालय भोजपुरले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच