नाङ्गो तारमा मान्छे झुण्डिएपछि प्रशारण लाइन नै बन्द

Read Time = 1 min
A A- A+

काठमाडौं । नुवाकोटको ककनी नगरपालिका ७ मा विद्युतिय प्रसारण लाइनको तारमा बिहान १० बजेदेखि एक जना मानिस झुण्डिरहेका छन् ।

उनी १० बजेतिर चुरालेस्थित त्रिशुली थ्री ए को पोलबाट नाङ्गो तारमा पुगेका थिए । उक्त समयमा लाइन नभएको समय परेको हुनाले उनलाई करेन्ट लागेन ।

पोलमा चढेर विद्युतीय तारमा पनि हिँडिरहेका बेलकोटगढी नगरपालिका १३ घलेगाउँ बस्ने ४४ वर्षीय माइला विक भएको जिल्ला प्रहरी कार्यालयले जनाएको छ।

यतिबेला मानसिक सन्तुलन गुमाएका विक चढेपछि आयोजना नै बन्द गरिएको छ । त्रिशुली थ्री ए बन्द हुँदा अहिले प्राधिकरणलाई विद्युत व्यवस्थापनमा समस्या परेको जनाएको छ।

प्रहरी र स्थानीय वासिन्दाले उनलाई सकुशल तल ओर्लन आग्रह गरिरहेका छन् । तर, उनी तल झर्न मानेका छैनन्।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?