हुम्लामा ५७ विद्यार्थीमा देखियो ठेउला रोग

हिमालय टाइम्स
Read Time = 2 mins
A A- A+

-दाने बोहरा

हुम्ला । हुम्लाको उत्तरी नाम्खा गाउँपालिकाको एक विद्यालयको छात्रवासमा बस्दै आएका विद्यार्थीलाई ठेउला (चिकेनफक्स) रोग देखिएको आशंका गरिएको छ । नाम्खा गाउँपालिका–४ को याल्वाङ गाउँको महाबौद्ध माध्यमिक विद्यालयका विद्यार्थीमा ठेउलाको लक्षणसँग मिल्ने देखिएकाले उक्त रोगको आशंका गरिएको छ ।

स्वास्थ्य सेवा कार्यालयका प्रमुख प्रेमबहादुुर सिंहका अनुुसार एकजना विद्यार्थीमा देखिएको आशंका गरिएको ठेउला रोग ५७ जना विद्यार्थीमा सरेको बताउनुभयो ।

विद्यार्थीमा लागेको रोगको लक्षण पूरै ठेउलासँग मिल्दोजुल्दो रहेको पनि देखिएको हो । ठेउला रोग सरेका विद्यार्थीमा अनुहार, शरीर र पाखुुराभरि ठेउलाजस्तै फोका आएका छन् । बिरामी विद्यार्थीको शरीरमा आएको बिरामीको लक्षण हेर्दा ठेउला भएको हुन सक्ने भएकाले उपचार गर्न र परीक्षणका लागि नमुना संकलन गर्न चिकित्सकको टोली विद्यालयतर्फ लागेको बताउनुभयो ।

चिकित्सकबाट परीक्षण गरेपछि त्यसको आधिकारिक पुष्टि हुने भन्दै बिरामी विद्यार्थीलाई आइसोलेसनमा राखिएको बताइएको छ । विद्यालयमा पुगेपछि बिरामी विद्यार्थीको उपचार गर्ने र नमुना संकलन गर्ने कार्य सँगै हुनेछ ।

यसको जानकारी विश्व स्वास्थ्य संगठन र रोग नियन्त्रण महाशाखा सुर्खेतलाई गरिसकिएको छ । स्वास्थ्य सेवा कार्यालय हुम्लाका अनुसार यो भाइरसबाट सर्ने सरुवा रोग भएका कारण अन्य मानिसमा सर्ने डर देखिएको हो ।

 

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?