-प्रकाश नेपाल
इलाम । वर्षातमा हुने विपद् रोक्न पूर्व तयारी गरेपनि इलाममा उद्धारकर्मीलाई आवश्यक सामग्री अभाव भएको छ । २०७८ को वेमौसमि वर्षातमा ठूलो धनजनको क्षति भएको इलाममा यो वर्षको मनसुनमा पूर्वतयारी गरिसकिएपनि उद्धार सामग्री अभाव रहेको हो ।
जल तथा मौसम विज्ञान विभागका अनुसार, नेपालमा मनसुन जेठ ३० बाट शुरु भएको छ । विभागको पूर्व अनुमानको आधार मान्ने हो भने यस वर्षको मनसुनमा सरदरभन्दा बढी पानी पर्ने सम्भावना छ । तर, पूर्वी नेपालको इलाम जिल्लामा विपद्बाट हुने पूर्वतयारीको काम भएपनि श्रोत साधनको अभाव छ ।
इलाममा २०७८ साल कात्तिकको वर्षातबाट करोडौंको धनमाल नष्ट साथै मानविय क्षतिसमेत भएको थियो । इलाममा यो वर्षको मनसुनमा बढी पानी वर्ने पूर्वअनुमान गरिएसँगै जिल्ला दैवीक प्रकोप उद्धार समिति तयारी अवस्थामा रहेको छ । विपद् पूर्व, विपद्को अवस्था र विपद् प्रतिकार्यको अवस्थामा काम गर्ने योजनाका साथ पूर्वतयारी गरिएको प्रमुख जिल्ला अधिकारी माधव ढुंगानाले बताउनुभयो ।
दैवीक प्रकोप उद्धार समितिले विपद् हुने सम्भावित क्षेत्रको अनुगमन गरि उद्धारको लागि टोली तयारी अवस्थामा राखेको हो । साथै जिल्लामा बाढी र पोहिरोमा परेकाहरूलाई उद्धार कसरी गर्ने बारे कृतिम अभ्यास पनि गराइसकेको छ । जिल्ला नगरपालिका र वडास्तरको विपद् समिति रहने भएपनि उद्धारका लागि आवश्यक सामग्री अभाव रहेको हो । प्रहरीले जोखिम क्षेत्रको अध्ययन गरि खुल्ला क्षेत्रको पहिचान गर्ने र उद्धारका लागि हेलिकप्टर प्रयोग गर्नुपरे हेलिप्याडको पनि पहिचान गरिसकेको नेपाल प्रहरी इलामका प्रमुख महेन्द्रकुमार श्रेष्ठले बताउनुभयो ।
वेमौसमी वर्षातको क्षतिबाट पाठ सिक्दै मनसुन सुरु भएसँगै पूर्वतयारी गरि श्रोत साधन जुटाउन आवश्यक बजेट संघीय सरकारसँग मागसमेत गरिएको छ । जिल्ला दैवीक प्रकोप उद्धार समितिसँग बजेट अभाव हुने भएकाले प्रदेश र स्थानीय सरकारको अनुरोधमा उद्धारमा आवश्यक आधारभुत सामग्री जुटाउने तयारी भएको हो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच