काठमाडौं । नेपालले एसिसी महिला टी-२० च्याम्पियनसिपमा लगातार तेस्रो जित हात पार्दै सेमिफाइनलमा प्रवेश गरेको छ । नेपाल एक खेलअगावै सेमिफाइनलमा पुगेको हो । नेपालले सोमबार बहराइनलाई ८ विकेटले हराउँदै सेमिफाइनलमा स्थान पक्का गरेको हो ।
जितका लागि १५ रनको सामान्य विजयी लक्ष्य पछ्याएको नेपालले ३.४ ओभरमा २ विकेट गुमाउँदै पूरा गर्यो । नेपालकी सीता रानामगरले ३ बलमा १ चौकासहित सर्वाधिक ४ रन बनाउनुभयो । यस्तै ओपनर इन्दु बर्मा डक आउट हुनुभयो । रुविना क्षेत्रीले ८ बल खेल्नुभए पनि कुनै स्कोर जोड्न सक्नुभएन । कविता जोशीले १० बलमा ३ रन जोड्दै नटआउट रहनुभयो । नेपालले ८ रन अतिरिक्तमार्फत् पाएपछि जित सुनिश्चित गरेको हो ।
नेपालले पहिलो खेलमा भुटानलाई ५० रनले हराएको थियो भने दोस्रो खेलमा कुवेतलाई २५ रनले पराजित गरेको थियो ।
त्यसअघि टस हारेर पहिले ब्याटिङ गरेको बहराइनले निर्धारित ७ ओभरमा ६ विकेट गुमाएर १४ रन बनाएको थियो । वर्षाका कारण खेल ७ ओभरमा झारिएको थियो । बहराइनकी इशारा सुहुनले ६ रन जोड्नुभयो भने कप्तान दिपीका रासंगिका र थरंगाले २/२ रन जोड्नुभयो ।
नेपालकी कविता कुँवर र सबनम राईले २/२ विकेट लिनुभयो भने अश्मिना कर्माचार्यले १ विकेट झार्नुभयो । समूह ‘बी’ मा रहेको नेपाल शीर्षस्थानमा रहेको छ । नेपालले तीन खेलमा ६ अंक जोडेको छ । नेपालले मंगलबार हङकङसँग खेल्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच