रिलायन्सको नयाँ बिमा योजना

Tuesday June 21, 2022

Read Time = 3 mins

अर्थ ताजा समाचार

अर्थ/कर्पोरेट

A A- A+

काठमाडौं । रिलायन्स लाइफ इन्स्योरेन्सले ग्यारेन्टेड रिटर्नसहितको बिमालेख योजना ल्याएको छ । कम्पनीले सोमबार एक कार्यक्रमबीच मेरो सुनिश्चित प्रतिफल नामक बिमा योजना सार्वजनिक गरेको हो । बिमितले आफ्नो आवश्यकताअनुसार बिमाशुल्क भुक्तानी गर्नसक्ने योजनामा अढाइ गुणासम्म सुनिश्चित प्रतिफल पाइने कम्पनीको दाबी छ ।

सीमित समयका लागि बिमाशुल्क भुक्तानी गरी बिमालेख अवधिभर रक्षावरणसमेत पाउन सक्ने बताइएको छ । नयाँ योजनाअन्तर्गत १६ वर्षदेखि ४४ वर्ष उमेरसम्मका व्यक्तिले बिमा गर्न सक्नेछन् । त्यस्तै बिमा अवधि १६ वर्ष र २० वर्ष रहेको र बिमा समाप्ति उमेर ६० वर्ष हुनेछ । जसमध्ये १६ वर्ष बिमा अवधिमा जम्मा पाँच वर्षसम्म मात्र बिमाशुल्क तिरे पुग्ने र २० वर्ष अवधिमा जम्मा सात वर्षमात्र बिमाशुल्क तिरे पुग्नेछ । योजनाअन्तर्गत बिमाशुल्क भुक्तानी वार्षिक हुनेछ ।

उदाहरणका लागि न्यूनतम २५ हजार रुपैयाँ बिमाशुल्क तोकिएको बिमा योजनाको अधिकतम् बिमाशुल्क रकम भने बिमितको भुक्तानी क्षमतामा भरपर्ने कम्पनीले जनाएको छ । २५ वर्षको व्यक्तिले २० वर्षको बिमा अवधि राखी एक लाखको वार्षिक बिमाशुल्क सात वर्षसम्म सात लाख रुपैयाँ तिर्छ भने बिमितको १७ लाख ५० हजार रुपैयाँ बराबरको जोखिम बहन हुनेछ ।

बिमा परिपक्व भएपछि आधारभूत बिमाशुल्कको अढाइ गुणा सुनिश्चित प्रतिफल १७ लाख १० हजार रुपैयाँ प्रदान गरिने कम्पनीले जनाएको छ । थप न्यून बिमाशुल्क १४ हजार आठ सय ४० रुपैयाँ तिरेर अतिरिक्त पूरक करार सुविधा दुर्घटना मृत्यु, पूर्ण स्थायी अशक्तता, बिमा शुल्क छुट र घातक रोगविरुद्धको रक्षावरण पनि लिन पाइने बताइएको छ ।

यो खबर पढेर तपाईलाई कस्तो महसुस भयो ?