काठमाडौंमा सात जनालाई हैजा रोग लागेको पुष्टि

हिमालय टाइम्स
Read Time = 2 mins
A A- A+

काठमाडौं । काठमाडौंमा सात जनामा हैजाको संक्रमण भेटिएको इपिडिमियोलोजी तथा रोग नियन्त्रण महाशाखाले पुष्टी गरेको छ।

हैजा फैलन सक्ने भन्दै त्यसतर्फ सचेत हुन र पानी उमालेर मात्र पिउन तथा बासी सडेगलेका खाना नखान महाशाखाले सबैमा अनुरोध गरेको छ ।

गत हप्ताको बिहीबार चटपटे खाएपछि विरामी परेका बागवजारका दुई दिदी बहिनीमा आइतबार पहिलोपटक हैजा भेटिएको इपिडिमियोलोजी तथा रोग नियन्त्रण महाशाखाले जनाएको छ ।

हैजाबाट संक्रमित पाँच जनाको शुक्रराज ट्रपिकल सरुवा रोग अस्पताल टेकुमा उपचार भैरहेको अस्पतालले जनाएको छ ।

टेकु अस्पतालकी निर्देशक मनिषा रावलले उच्च मृत्युदर रहेको हैजाको विरामी बढ्दै गएकाले खानपानमा ध्यान दिनु पर्ने, पानी उमालेर मात्र खान र व्यतिगत सरसफाइमा बिषेश ध्यान दिन सुझाव दिनुभयो ।

हैजा पनि झाडापखला जस्तै हुने भएपनि चौलानी जस्तै पातालो दिशा लगातार भएमा र मांशापेशी दुखेमा तत्काल अस्पताल जान पनि निर्देशक रावलले आग्रह गर्नुभयो ।

काठमाडौंको बागवजारमा पहिलोपटक हैजा देखिए पनि हाल कपन, बालाजु, बोहोराटार, बल्खु, सानेपा, डिल्लीबजारका विरामीमा हैजा पुष्टी भैसकेको छ ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?