काठमाडौं । इसेवाले बिमितले घरमै बसेर बिमा शुल्क भुक्तानी गर्न प्रोत्साहन मिलोस् भन्ने उद्देश्यले बिमितहरूका लागि लखपति योजना सञ्चालन गरिरहेको छ । भदौ ५ गतेसम्म सञ्चालन हुने योजनामा इसेवाबाट कुनै पनि जीवन बिमा कम्पनीको बिमा शुल्क भुक्तानी गर्ने व्यक्तिमध्येबाट बम्पर उपहारमा एकजनाले एक लाख रुपैयाँ उपहार प्राप्त गर्ने कम्पनीले जनाएको छ ।
उपहार विजेता बिमितको बिमा एजेन्ट र सोही एजेन्टको शाखा कार्यालयले पनि २०/२० हजार नगद उपहार प्राप्त गर्नेछन् । योजना सञ्चालन अवधिभर बिमा शुल्क भुक्तानी गर्नेमध्येबाट हरेक दिन एकजनाले गोलाप्रथाबाट एक हजार रुपैयाँ प्राप्त गर्नेछन् ।
यो योजना नेपालमा सञ्चालिन सबै बिमा कम्पनीको शुल्क भुक्तानी गर्दा लागू हुने बताइएको छ । इसेवाले पछिल्ला दिनमा इन्स्योरेन्सको प्रिमियम अनलाइनबाट भुक्तानी गर्न प्रोत्साहन गर्न विभिन्न अफर तथा योजना सार्वजनिक गर्दै आएको छ ।
कम्पनीले मंगलबार परेको अन्तर्राष्ट्रिय बिमा जागरूकता दिवसका अवसरमा विशेष अफर सार्वजनिक गरेको थियो । अफरअन्तर्गत इसेवामार्फत् जीवन बिमाको बिमाशुल्क भुक्तानी गर्दा दुई रुपैयाँ क्यासब्याक प्राप्त गर्न सकिने व्यवस्था रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच