बोगोटा । दक्षिणपश्चिम कोलम्बियाको एउटा जेलबाट भाग्ने प्रयास गर्दा कम्तीमा ५१ कैदीको मृत्यु भएको छ भने र दर्जनौं घाइते भएका छन् । नेसनल पेनिटेन्सियरी एण्ड प्रिजन इन्स्टिच्युटका प्रवक्ताका अनुसार कम्तीमा ५१ जनाको मृत्यु भएको छ । मृतकको संख्या अझै बढ्न सक्ने बताइएको छ । भाग्ने प्रयासमा ४९ जनाको घटनास्थलमै र अन्य दुईजनाको अस्पतालमा उपचारका क्रममा मृत्यु भएको बताइएको छ ।
जेलमा आगो लागेपछि भाग्ने क्रममा उक्त दुर्घटना भएको स्थानीय अधिकारीको भनाई उद्धृत गर्दै क्याराकोल रेडियोले जनाएको छ । विवरण अनुसार ४० जनाभन्दा बढी घाइते भएका छन् । निवर्तमान राष्ट्रपति इभान ड्युकले ट्विट गर्दै मृतकका आफन्तजनप्रति सहानुभूति प्रकट गर्नुभएको छ ।
‘जेलमा भएका घटनाहरूप्रति खेद व्यक्त गर्दछौं’, उहाँले भन्नुभएको छ । ल्याटिन अमेरिकामा घातक जेल दंगा बारम्बार हुने गरेका छन् । कोलम्बियाको छिमेकी इक्वेडरमा सन् २०२१ को सुरुदेखि भएका ६ वटा दंगामा झण्डै चार सय कैदी मारिएका छन् ।
कोलम्बिया दक्षिण अमेरिकामा अवस्थित देश हो । यसको राजधानी र सबभन्दा ठूलो शहर बोगोटा हो । कोलोम्बियाको नाम अमेरिकाको पत्ता लगाउनुभएका क्रिस्टोफर कोलम्बसको नामबाट नामाकरण गरिएको हो । यसको उत्तर-पश्चिममा पनामा, उत्तरमा क्यारिबियन सागर, पूर्वमा भेनेजुएला र ब्राजिल, दक्षिणमा इक्वेडर र पेरू, तथा पश्चिममा प्रशान्त महासागर छन् । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच