काठमाडौं । राष्ट्रिय महिला फुटबल टोलीकी कप्तान रेनुका नगरकोटे प्रशिक्षणका क्रममा घाइते हुनुभएको छ । अखिल नेपाल फुटबल संघ (एन्फा) कम्प्लेक्समा सोमबार अभ्यासका क्रममा उहाँ घाइते हुनुभएको थियो । घाइते हुनुभएको उहाँको शल्यक्रिया गर्नुपर्ने भएको छ ।
रेनुकाको ग्वार्कोस्थित बी एन्ड बी अस्पतालमा शल्यक्रिया गर्ने तयारी गरिएको छ । एसियन कपको तयारीका लागि बन्द प्रशिक्षणमा रहनुभएको उहाँको क्लाभिकल कलरबोन अर्थात् घाँटीमुनिको बायाँ हड्डी भाँचिएको चिकित्सकले जनाएका छन् ।
महिला सिनियर टोलीका फिजियो आभास्ना राजभण्डारीका अनुसार उहाँको बी एन्ड बीका वरिष्ठ डाक्टर अमित जोशीले शल्यक्रिया गर्नुहुनेछ । शल्यक्रियापछि नै उहाँ कति समय मैदानबाहिर रहनुपर्ने हो सोबारे थाहा हुनेछ ।
चोटसँगै उहाँले भदौ १३ देखि २५ सम्म नेपालमा आयोजना हुने महिला साफ च्याम्पियनसिप गुमाउने सम्भावना बढेको छ । रेनुका विभागीय टोली एपिएफकी कप्तानसमेत हुनुहुन्छ । उहाँ सन् २०१० देखि नियमित नेपाली महिला फुटबल टोलीकी सदस्य रहँदै आउनुभएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच