काठमाडौं । श्रीलंकामा प्रदर्शनकारीले शनिबार राष्ट्रपति गोटाबाया राजापाक्षेको निवासमा कब्जा जमाएका छन्। यतिबेला राष्ट्रपति निवासबाटै भागेका छन् । प्रदर्शनकारीले राजापाक्षेको सरकारी निवासमा समेत तोडफोड गरेका छन् । अर्कोतर्फ, र्यालीका क्रममा श्रीलंकाका प्रहरी र प्रदर्शनकारीबीच हिंसात्मक झडप भएको छ । जसमा करिब एक सय जना घाइते भएका छन् ।
यसैबीच श्रीलंकाका पूर्व क्रिकेटर सनथ जयसूर्या पनि प्रदर्शनकारीसँगै देखिएका छन् । उनले ट्वीटरमा आन्दोलनकारीसँगका आफ्ना केही तस्विर पनि सेयर गरेका छन् । उनले लेखेका छन्, 'उनीहरू श्रीलंकाका जनतासँग उभिएका छन् र छिट्टै विजयको उत्सव मनाउनेछन्। यो कुनै उल्लंघन नगरी जारी राख्नुपर्छ।'
यसैबीच राष्ट्रपति राजापाक्षे भने सुरक्षित स्थानमा सरेका छन् । यद्यपी राष्ट्रपति कहाँ छन् भन्ने पुष्टि भएको छैन । कोलम्बोमा तनाव छ। आन्दोलनकारीलाई रोक्न सेना परिचालन गरिएको छ । सडकमा उत्रिएका आन्दोलनकारीलाई तितरबितर पार्न प्रहरीले अश्रुग्यास प्रहार गर्नुका साथै हावामा फायर समेत गरेको थियो ।
-एजेन्सी
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच